Kommagene

Vun Wikipedia
Wesseln na: Navigatschoon, Söök
Karte, die Kommagene als Vasallenkönigreich Armeniens zeigt (1. Jahrhundert v. Chr.)

Kommagene is in de Antike en Landschop in den Süüdosten vun Lüttasien ween. Ehre Hööftstadt is toeerst Samosata ween, later weer dat Hierapolis Bambyke. Ööstliche Grenz is de Euphrat-Stroom ween.

Geschicht[ännern | Bornkood ännern]

In dat Johr 866 v. Chr. is dat Königriek Kummuhu unner den König Assur-Nasirpal II. to'n eersten Mol nömmt wurrn. De Könige vun Kummuhu mössen Tribut an Assyrien betahlen. Um 750 v. Chr. hett König Kuštašpi mitmaakt bi en Allianz gegen Assyrien. De Upstand is 743 v. Chr. bi Arpad daalpeddt wurrn. Nadem dat Riek unner den König Mutallu in dat Johr 708 v. Chr. noch mol upsternaatsch wurrn weer, is dat unner den Grootkönig Sargon II. en Provinz vun Assyrien wurrn. 605 v. Chr. hefft de Babyloniers unner ehrn König Nebukadnezar II. Kummuhu erovert. Unner de Achämeniden is dat Land later en Deel vun Oostarmenien wurrn. Unner Ptolemaios VI. Philometor vun Ägypten is Kommagene 163 v. Chr. unafhängig wurrn vun de Seleukiden. Sien wichtigsten König weer Antiochos I. (69 – um un bi 36 v. Chr.). Na Antiochos III. sien Dood (17 n. Chr.) is Kommagene an dat Röömsche Riek anslaten wurrn.

In Religion un Kultur hefft sik Elemente vun den Hellenismus, inheemsche Traditschonen ut Anatolien un de Infloot ut Persien dörmengelt. Unner König Antiochos IV. is dat Riek wedder unafhängig wurrn. 74 n. Chr. hett dat avers endgüllig siene Freeheit verloren un is en Deel vun dat Röömsche Riek wurrn. Bedüdende Denkmalen sund de Graffstäen up den Barg Nemrut, bovenhen ok noch de Hierothesia vun Arsameia an’n Nymphaios un an’n Karakuş. Ut de Römertied gifft dat unner annern noch de Brugge vun Septimus Severus. Mit 34 m hett se den tweet grottsten Bruggenbogen, den de Römers jemols boot hefft.

Satrapen vun Kommagene[ännern | Bornkood ännern]

  • Samos I. 290–260
  • Arsames 260–228
  • Xerxes 228–201
  • Ptolemaios 201–163

De Könige vun Kommagene[ännern | Bornkood ännern]

Naam Wonnehr hett he regeert
Ptolemaios 163 – ca. 130
Samos II. Theosebes Dikaios ca. 130 – ca. 100
Mithradates I. Kallinikos ca. 100 – 69
Antiochos I. Theos Dikaios Epiphanes Philorhomaios Philhellen 69 – ca. 36
Mithradates II. ca. 36 – 20
Mithradates III. 20 – 12
Antiochos III. 12 v. Chr. – 17 n. Chr.
Römertied 17 – 38
Antiochos IV. Epiphanes 38 – 72
Röömsche Provinz 74 –

Weblenken[ännern | Bornkood ännern]