Knieperkahl

Vun Wikipedia
Wesseln na: Navigatschoon, Söök
Knieperkahl mit Kassler un Pellkartuffel

Suern Knieper, Knieperkahl, ok Suern Hansen, is en suern Kahl, de vör allen in de Prignitz bekannt is. He warrt ut Wittkahl, blauen Markkahl (oder Roodkahl-Bläder) un Gröönkahl tohoop mit Wien- un Kirschbläder maakt. Jüst as annere Kahlgerichten warrt he vör allen in’n Winter eten.

De Kahlbläder warrt mit Water opkaakt, denn utdrückt un insolten. Dat Ganze warrt denn in Schichten mit de Wien- un Kirschbläder in’n Steenpott oder in’t Fatt inmaakt. Baven op kaamt Gewichten, dat de Bläder jümmer ünner den Sapp blievt, de ut dat Ganze denn rutsuert. De Pött blievt so veer bet teihn Weken stahn un de Kahl geert denn von de Melksüür.

De Knieper kummt tohoop mit pökelt oder rökert Iesbeen, Kahlwust, Knackwust oder Kassler un Smolt un Speck in’n Backaven bet dat gor is. Dorto gifft dat denn faken Pellkartuffeln.