Kluust

Vun Wikipedia
Wapen/Flagg Koort
hett keen Wapen
Kluust
Laag vun Kluust in Düütschland
Basisdaten
Bundsland: Neddersassen
Landkreis: Rodenborg
Samtgemeen: Geestborn
Gemeen: Basdaal
Inwahners:
Postleettall: 27432
Vörwahl: 04766
Geograafsche Laag:
Koordinaten:53° 27′ N, 9° 1′ O
53° 27′ N, 9° 1′ O

Karte

Dat Gasthuus Kluuster Hoff in Kluust

Kluust (hoochdüütsch Kluste) is en Oort in de Gemeen Basdaal (Samtgemeen Geestborn) in’n Landkreis Rodenborg, Neddersassen.

Geografie[ännern | Bornkood ännern]

De Poggmöhlenbeek flütt an Kluust langs un münnt later in’n Fohrendörper Kanaal.

De Naveröörd sünd Barchel in’n Noordoosten, Poggmöhlen in’n Oosten, Nee-Öös un Öös in’n Süüdoosten, Basdaal in’n Süüdwesten un Mals un Hipst in’n Noordwesten.

Historie[ännern | Bornkood ännern]

Dat Gasthuus Kluuster Hoff is 1894 boot worrn.

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Kuhs in’n Kanton Beverst höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort weer lange Tied opdeelt. Een Deel hett to dat Kaspel Karkwist un dat Amt Bremervöör tohöört un de annere to dat Kaspel Öös un dat Patrimonialgericht Öös (later Gericht Beverst). De Beverster Deel is 1851 von dat Gericht Beverst an dat Amt Beverst övergahn. Bi de Verwaltungsreform in dat Königriek Hannover 1852 is dat fröhere Patrimonialgericht Öös an dat Amt Bremervöör wesselt. Aver mit en Verordnung von’n 28. September 1852 schull de Oort denn doch wedder an dat Amt Beverst wesseln.[1] Toletzt is de Oort aver doch in dat Amt Bremervöör bleven. Na 1885 weer dat in’n Kreis Bremervöör. 1977 is dat Deel von’n Landkreis Rodenborg worrn.

De Oort is later denn Deel von de Gemeen Basdaal worrn.

Inwahnertall[ännern | Bornkood ännern]

Johr Inwahners
1812-00-001812[2] 14
1824-00-001824[3] 3 Füürsteden
1848-00-001848[4] 9 Lüüd, 1 Huus
1848-00-001848[5] 22 Lüüd, 3 Hüüs
1871-12-011. Dezember 1871[6] 21 Lüüd, 3 Hüüs

Religion[ännern | Bornkood ännern]

Kluust is evangeelsch-luthersch präägt un höört to dat Kaspel von de Christophorus-Kark in Öös. Vör 1891 hebbt twee von de dree Hööv von’n Oort noch to dat Kaspel von de Johannes-de-Döper-Kark in Karkwist höört. De drüdde Hoff hett al jümmer bi de Kark in Öös bihöört.

För de Kathoolschen is de St.-Michaelskark in Bremervöör tostännig, de siet 1. September 2010 to de Karkengemeen Hillig Geist in Stood tohöört.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Dör Kluust löppt de Bundsstraat 71/74, de in’n Noordoosten na Bremervöör un wieder na Stood geiht un in’n Süüdwesten na Basdaal. In Basdaal geiht de B 71 över Beverst na Bremerhoben un de B 74 över Oosterholt-Scharmbeek na Bremen-Noord. Von de Bundsstraat geiht na Süüdoosten de Kreisstraat 138 af, de na Öös geiht.

De nächste Autobahn is de Autobahn 27. De Opfohrt 9 Wulsdörp liggt so 29 Kilometer in’n Westen von Kluust.

De nächste Bahnhoff is so bi söss Kilometer wied weg in’n Noorden de Bahnhoff Örel an de Bahnlien Bremerhoben–Buxthu. Dat gifft ok en Bahnhoff Basdaal-Kluust an de Bahnlien Stood–Oosterholt, aver regulären Personenverkehr gifft dat al siet 1978 nich mehr op disse Bahnlien.

Scholen[ännern | Bornkood ännern]

De Kinner ut Kluust gaht na Grundschool op de Hermann-von-Issendörp-School in Basdaal. Na de 4. Klass wesselt se för de Oberschool op de School Geestborn in Örel oder op dat Gymnasium Bremervöör.

Literatur[ännern | Bornkood ännern]

  • Martin Blanken, ‎Diedrich Hildebrandt: Basdahl mit Kluste, Oese, Poggemühlen und Volkmarst: die Geschichte der Dörfer, der Höfe und ihrer Familien. Volksbank Gnarrenborg, 1984

Footnoten[ännern | Bornkood ännern]

  1. Hannoversche Gesetzgebung über Staats- und Gemeinde-Verwaltung. Helwing, 1852, Sied 80a
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 103: http://books.google.de/books?id=Q 5OAAAAcAAJ&pg=PA103
  3. C. H. Jansen: Statistisches Handbuch des Königreichs Hannover. 1824, Sied 336: http://books.google.de/books?id=tG0AAAAAcAAJ&pg=PA336
  4. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 132: http://books.google.de/books?id=eOI-AAAAcAAJ&pg=PA132
  5. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 149: http://books.google.de/books?id=eOI-AAAAcAAJ&pg=PA149
  6. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 144: https://books.google.de/books?id=qTZDAQAAMAAJ&pg=RA2-PA144

Weblenken[ännern | Bornkood ännern]

Kluust. Mehr Biller, Videos oder Audiodateien to’t Thema gifft dat bi Wikimedia Commons.