Klockenappel

Vun Wikipedia
Klockenappel

De Klockenappel (annere Naams: Witt Winterklockenappel, Ooltlänner Klockenappel, Swiezer Klockenappel oder Echte Klocken) is en olle Appelsort, de wohrschienlich in de Swiez, in Süüddüütschland oder an de Nedderelv as Tofallssamling entstahn is. Vundaag is he över dat hele Rebeet vun Düütschland verbreedt.

De Appel hett en tyypsch klockenordige Form. De Schaal wiest en gröön-gele Grundfarv op, kann aver ok en rode Deckfarv annehmen. Dat Fruchtfleesch is nich sünners saftig un smeckt süerlich. Mitünner warrt de Appel ok vundaag för’n Hannel anboet.

De Appel warrt in’n Oktober plückt un af Dezember riep to’n Geneet. Dormit tellt he to de Winterappels. In’t Köhllager hollt he sik bit Juni.

Kiek ok[ännern | Bornkood ännern]

Borns[ännern | Bornkood ännern]