Kliester

Vun Wikipedia
Wesseln na: Navigatschoon, Söök

Kliester is en Kleevstoff, de tomeist ut Methylzelluloos oder Stärk maakt is. In’n Hannel warrt he meist as Pulver verköfft. Dat gifft düsse Kliesters:

  • Methylan. Dat is Methylzelluloos mit noch anner Stoffen dormank, dat dat mit dat Fardigmaken vun den Kliester fixer geiht.
  • Zell-Liem. Dat is schiere Methylzelluloos. De scholl al an’n Vördag ansett weern. Düssen Liem gifft dat nich faken to kopen, man he höllt sik goot up’t Lager un he warrt ok nich so fix verbruukt.

Wenn en Kliester ut schiere Stärk ansett weern schall, denn mutt toeerst de Stärk mit koolt Water anröhrt weern. Later mutt dor denn ok noch heet Water mit to oder de Saak mutt dörkaakt weern.

Kliester ut Zelluloos mutt bloß mit koolt Water anröhrt weern un denn is de Saak al torecht.

Wo de Kliester för bruukt warrt[ännern | Bornkood ännern]

Tapetenkliester warrt to’n Anbacken vun Tapeten bruukt. Bi düssen Kliester sünd ok noch anner Saken mit bi (as Weekmaker un Schimmel-Ex), dormit de Tapeten beter backen doot un dormit dat keen Schimmel gifft. Bi dat Bookbinnen warrt blangen Liem ok Kliester to’n Kleven bruukt. Stärkkliester, besunners ut Kartuffelstärk warrt bi de Produktschoon vun Wellpapp bruukt. Ok wenn een Pappmaché maken will, bruukt he dor Kliester to. In de Kultur vun de Street Art warrt Kliester to’n Anbacken vun Paste-Ups bruukt.