Klaus Granzow

Vun Wikipedia

Klaus Granzow (* 10. September 1927 in Mützenow; † 1986 in Hamborg) weer en pommerschen Schauspeler, Schriever un Dichter.

Granzow is in 1927 in Mützenow in Hinnerpommern boren un dor ok opwussen. He weer in Stolp op’t Gymnasium un müss 1943 to de Marinehelpers. 1945 keem he in russ’sche Kriegsgefangenschop un müss op ene sowjetsche Kolchoos arbeiden. 1947 hebbt se em ut Pommern verdreven un Granzow keem na Hamborg. Dor hett he 1951 en Schauspeelstudium anfungen.

He hett ok dat Schrieven anfungen, veel to siene Heimat in Pommern. För’n Rundfunk hett he mehr as 400 Sendungen maakt. Veel dorvun op Pommernplatt. He weer lange Tiet Schauspeler bi dat Theater ’46/Kamerspeelkreis Lübeck. 1964 hett he denn ok toeerst bi dat Ohnsorg-Theater speelt un höör vun 1980 af an fast to dat Ensemble. Ok in welk Feernsehfilms hett he mitmaakt.

Vun 1968 af an weer Granzow Redaktör bi dat Wekenblatt „Kirche in Hamburg“. Granzow harr höört, dat in Brasilien jümmer noch Pommern leven deen (ut Pommern weren se ja all verdreven, geev keen Pommernland mehr) un 1971 möök he sien eerste Reis na Brasilien, de Pommern dor kennentolehren.

Granzow hett 1964 den Pommerschen Förderpries för Kultur un 1971 den eersten Pries bi den Höörspeelwettbewerf vun’n Oostdüütschen Kulturraat kregen. 1976 is de Pommersche Kulturpries an em gahn.

Warken[ännern | Bornkood ännern]

  • Der Schauspieler Gottes (1960 toeerst opföhrt in Lübeck)
  • Berlin-Advent (1962)
  • Tagebuch eines Hitlerjungen (1965)
  • Leise rieselt der Schnee
  • Wenn es Frühling wird
  • Bei uns im Dorf
  • Der rote Husar und die Jungfrau
  • Grün ist das Tal am Rio Itajaí
  • Estrada Pommeranos
  • Typisch Pommern (1982)
  • Krischan vertellt. Döntjes aus Pommern. Pommerscher Buchversand, Hamborg 1969
  • Wat heww wi us doch amüseert! Vergneugte Vertellkes un Dööntjes ut Pommern. Jung, Kiel 1985, ISBN 3-923525-23-0

Filmrullen[ännern | Bornkood ännern]

Johr Titel
1965 Der Augenblick des Friedens
1979 Jauche und Levkojen, Feernsehreeg
1979 Ein Kapitel für sich, Feernseh-Minireeg
1981 Hamburger Bier
1982 Verteufelte Zeiten

Weblenken[ännern | Bornkood ännern]