Kjell Sjöberg

Vun Wikipedia

Kjell Allan Sjöberg (* 11. Mai 1937 in Själevad; † 10. September 2013 in Örnsköldsvik) weer en sweedsch Skispringer.

Loopbahn[ännern | Bornkood ännern]

Sjöberg fung sien internatschonale Karriere mit den Start bi de Olympisch Winterspelen 1960 in Squaw Valley an. Dor reck he vun de Normalschanze den 45. Platz.[1] Ok, wenn dat man blots en middelmatig Spood weer, wurr he in de Folgesaison fast in den sweedschen Kader inbunnen un harr sien eerst Springen an’ 30. Dezember 1960 in Oberstdorf in’ Rahmen vun de Veerschanzentournee.. Dorbi kunn he mit den 2. Platz ok eerstmals dat Podium bestiegen. In Garmisch-Partenkirchen keem he weer ünner de best Teihn un wurr an’ Enn’ Sösst. Nah twee wiedere good Platzeeren in Bischofshofen un Innsbruck sloot he de Tournee up den 6. Platz in de Gesamtwerten af. Ok een Johr later bi de Tournee 1961/62 keem he bi de beid Springen in Oberstdorf un Innsbruck ünner de best teihn, in de beid anner Springen leep dat aber nich so good mit. Kört Tiet later kunn he aber den sweedschen Meestertitel up den Normalschanze winnen. Bi de Olympisch Winterspelen 1964 in Innsbruck reck he vun de Grootschanze den 5. Platz un vun de Normalschanze den 33. Platz.[1] 1966 wunn he nochmals de sweedsch Meesterschap. Bi de denn folgen Nordisch Skiweltmeesterschap in dat sülvig Johr in Oslo keem he up de Normalschanze up den 6. Platz un wunn up de Grootschanze achter Bjørn Wirkola un Takashi Fujisawa de Bronzemedaille.[2] An’ 10. Februar 1967 hett Sjöberg den an’ glieker Dag vun den norweegschen Springer Lars Grini upstellten Skiflug-Weltrekord up de Heini-Klopfer-Skiflugschanze in Oberstdorf um een Meter up 148 m. De Rekord stunn aber blots een Dag, bevör hüm de Norweger weer breeken kunn. Sien aktiv Skisprungloopbahn hett Sjöberg mit den Start bi de Olympisch Winterspelen 1968 in Grenoble afslooten. Dor reck he up de Grootschanze mit Wieden vun 85.5 un 73.0 m den 53. Platz.[1]

Weblenken[ännern | Bornkood ännern]

Enkeld Nahwiesen[ännern | Bornkood ännern]

  1. a b c http://www.sports-reference.com/olympics/athletes/sj/kjell-sjoberg-1.html, Kjell Sjöberg Biography and Statistics, www.sports-reference.com, afropen an’ 19. September 2013
  2. http://www.sport-komplett.de/sport-komplett/sportarten/s/ski_nordisch/skispringen/hst/2.html, Skispringen - Weltmeisterschaften (Herren), bi www.sport-komplett.de, 10. Juli 2009