Kirk Hammett

Vun Wikipedia
Wesseln na: Navigatschoon, Söök

Kirk Lee Hammett (* 18. November 1962 in San Francisco, Kalifornien) is den Leadgitarrist van de Metalband Metallica. Hen un wenn speelt he ok Rhythmusgitarr.

Kirk Hammett in Wien 2007

Leven[ännern | Bornkood ännern]

Musik[ännern | Bornkood ännern]

Hammet is in San Francisco boren. Siene Vöröllern kemen ut de Philippinen, ut Irland un ut Mexiko. Siene Mudder hett för de US-Regeerung arbeit' un sien Vadder weer Höker. As siene Familie in de East Bay ümtagen weer, besöch he de De Anza High School in El Sobrante in Kalifornien. As Kind hett he sik al för de Platten vun sien öllern Broder intresseert, dormank de Alben vun Led Zeppelin, Black Sabbath, The Rolling Stones, Jimi Hendrix un UFO. An'n meisten hett he Jimi Hendrix bewunnert. He meen, he müch geern Jimi Hendrix ween. To'n Deel hett he later in siene Solo-Stücken de Leeder vun Hendrix mit inboot.

Mit en Gitarr hett Hammet sik dat eerste Mol befaat', as he 15 weer. Dormols hett he en billige Gitarr ut'n Koophuus un en lüttjen 4-Toll-Verstärker hadd. 1978 is he ümstegen up en Fender Stratocaster. Man he hett jummers versöcht, den Sound vun sien Gitarr to ännern. Amenne is he bi en Gibson Flying V vun 1974 bleven. Dormit he sik en Marshal-Gitarrenverstärker verlöven konn, hett he u.a. en tiedlang bi Burger King utholpen.

Hammet weer al fröh hen un weg vun Heavy Metal. 1982 hett he tohopen mit den Singer Paul Baloff, den Gitarrenspeler Gary Holt un denn Slagtüüch-Mann Tom Hunting de Band Exodus grünnt. Dat weer en vun de Bands ut de eersten Dage vun den Thrash-Metal in de San Francisco Bay Area, vun de annere Bands veel afkeken hefft.

1983 is he bi Metallica instegen. Dat weer, as sien Vörgänger Dave Mustaine vunwegen Problemen mit Drogen un Alkohol vun de Band rutsmeten wurrn weer. Dat duer nich lang un denn nehm Hammet mit de Band de ehr eerst Album „Kill 'Em All“ up. Dormols hett he Unnerricht nahmen bi den unbannig goden Gitarrenspeler Joe Satriani. Siet de Midd vun de 1980er Johren maakt Hammet ok mit bi dat Schrieven vun de Leeder un vun dat Album „St. Anger“ af an schrifft he ok bi de Texten mit.

As de Tiedschrift „Rolling Stone“ de 100 gröttsten Gitarrenspelers vun all Tieden wählen dö, hefft se em up Platz 11 sett.

Privat[ännern | Bornkood ännern]

Hammet mag geern Comic- un Horrorfilmen ankieken un leevt mit siene Fro un siene beiden Jungs dune bi San Francisco up en Ranch. He is Vegetarier un intresseert sik för Buddhismus.