Kilchoman (Brenneree)

Vun Wikipedia
Kilchoman

Brenneree Kilchoman (Foto: Peter Church)

Land Schottland
Region Islay
Tyyp Malt
Status aktiv
Besitter Anthony Wills
Grünnt 2005
Washstill(s) 1
Spiritstill(s) 1
Produkschoonsvolumen 100.000 l
Websteed www.kilchomandistillery.com

Kilchoman is een vun de jüngsten Whisky-Brennereen vun Schottland un een vun acht aktive Whisky-Destillen op dat Hebriden-Eiland Islay. Se liggt in’n Noordwesten vun’t Eiland un is dormit de eenzige Destille vun Islay, de nich an de See liggt.

Historie[ännern | Bornkood ännern]

Kilchoman is in’t Johr 2005 grünnt worrn – na 124 Johren de eerste ne’e Brenneree op dat Eiland Islay[1]. In’n Juni 2005 is de Produkschoon anlopen un dat eerste Fatt is an’n 14. Dezember 2005 affüllt worrn. Al 2009 is de eerste Whisky ut de Brenneree in’n Hannel kamen. De eerste Buddel, de verköfft worrn is, hett op en Aukschoon 5.400 £ inbröcht.[2]

Produkschoon[ännern | Bornkood ännern]

Dat eerste Fatt
Kilchoman Loch Gorm, 46 %

As een vun blots noch wenige Brennereen in Schottland stellt Kilchoman dat Molt för de Produkschoon sülvst her[3]. En Deel dorvun warrt mit Törfrook maakt, wat den tyypsch rookigen Smack utmaken deit. In dissen Sinn warrt op dat Rebeet vun de Destille, de Rockside Farm, egens Gasten (Optic Barley) anboet, de aver blots för de Produschoon vun de „100% Islay“-Whisky bruukt warrt. För annere Affüllen warrt ok Gastenmolt vun de Molteree Port Ellen toköfft, de ok sünners starken Törfrook hett.

Mit en Produkschoon vun 90.000 bit 100.000 l in’t Johr (Stand Mai 2011) höört Kilchoman to de lüttsten aktiven Brennereen vun Schottland.

Kiek ok[ännern | Bornkood ännern]

Borns[ännern | Bornkood ännern]

  1. www.kilchomandistillery.com
  2. Der Whisky-Kult vun Marcus Theurer op FAZ.net, 21. August 2010; afropen an’n 16. Dezember 2014
  3. www.kilchomandistillery.com

Weblenken[ännern | Bornkood ännern]

Kilchoman. Mehr Biller, Videos oder Audiodateien to’t Thema gifft dat bi Wikimedia Commons.


Koordinaten:55° 47′ N, 6° 26′ W