The Kentucky Fried Movie

Vun Wikipedia
(wiederwiest vun Kentucky Fried Movie)
Filmdaten
Plattdüütsch Titel:
Originaltitel: The Kentucky Fried Movie
Düütsch Titel: Kentucky Fried Movie
Produkschoonsland: USA
Johr vun’t Rutkamen: 1977
Läng: 83 Minuten
Originalspraak: Engelsch
Öllersfreegaav in Düütschland: FSK 16
Filmkru
Speelbaas: John Landis
Dreihbook: Jim Abrahams,
Jerry Zucker,
David Zucker
Produkschoon: Robert K. Weiss
Musik: verscheden
Kamera: Robert E. Collins,
Stephen M. Katz
Snitt: George Folsey Jr.
Kledaasch: Deborah Nadoolman
Dorstellers

un vele mehr

Kentucky Fried Movie (op Platt so veel as „De Kentucky Fried Film“ – en Anspelen op de Imbisskeed Kentucky Fried Chicken) weer dat eerste Filmwark vun’t bekannte Trio Jim Abrahams, Jerry Zucker un David Zucker ut dat Johr 1977. Dorbi hannelt sik dat nich üm en normalen Film, man üm en Reeg vun mehr as twintig verscheden Sketchen, in de de dormolige Medien- un Feernsehlandschap op’n Arm nahmen warrt.

De Episoden[ännern | Bornkood ännern]

En Geschicht, de sik dör all de Episoden tütt, hett Kentucky Fried Movie nich – jeed Sketch steiht för sik sülvst un hett mit de annern nix to doon. As sünneren Spaaß warrt aver mitünner ok Elementen ut vörherige Sketchen övernahmen, ofschoonst se nix dormit to kriegen hebbt. De Episoden mit jemehr Loopduern sünd in’n enkelten:

11 O’clock News (0:06)[ännern | Bornkood ännern]

As Optakt verklort en Narichtenspreker, dat een in dat Popcorn rinpisst hett, dat man jüst eten will.

Argon Ööl (1:13)[ännern | Bornkood ännern]

Hier warrt de Energiekries op de Schipp nahmen: En Öölkonzern stellt Methoden vör, Ööl to winnen, dat vun Gesichters vun junge Lüüd afsogen warrt un ut Kämm un Fastfood-Verpacken torüchwunenn warrt.

Amerika vundaag (6:05)[ännern | Bornkood ännern]

En Feernsehsennen, bi de veles scheef löpt un t. B. en Gorilla dördreiht, vun wegen dat se över em seggt, dat he impotent is.

Sien nee Auto (0:24)[ännern | Bornkood ännern]

En Mann stiggt in sien nee Auto in un warrt dör verscheden Klingeltöön dorop henwiest, dat he noch wat vergeten hett, bevör he losföhren kann.

Kathoolsch Schooldeerns in Noot (2:00)[ännern | Bornkood ännern]

En Vörschau op en „Samuel L. Bronkowitz“-Produktschoon, bi den sik dat üm en Pornofilm hannelt.

Geföhlsaktiv Kino (4:52)[ännern | Bornkood ännern]

En Mann geiht in’t Kino in en Film, de geföhlsaktiv wiest warrt. Dat bedüüt, dat een achtern em steiht, de Röök, Anröhren un Wehdaag ut de Szenen in’n Film op den Tokieker överdrägen deit, em Rook in’t Gesicht blaast oder küsst.

Nytex Koppwehkiller (0:35)[ännern | Bornkood ännern]

En Warfsennen för en Koppweh-Medikament, de wiest, dat de Fro ehrn Mann an’n nächsten Dag nich wedder waak kriggt.

Aventüer vundaag (3:01)[ännern | Bornkood ännern]

En Talkshow, in de en Weltenbummler vörstellt warrt, de över sien gefährliche Reisen un Aventüers berichten deit. Wiel dat Gespreek maakt sik dat Mikrofon sülvststännig un entwickelt en eegen Leven.

Bill Bixby: Sanhedrin (0:40)[ännern | Bornkood ännern]

En wietere Warfsennen för en annert Koppwehmiddel, wo de Schauspeler Bill Bixby de Spreker is. Dorbi warrt en Labor wiest, wo Lüüd op all mögliche Oorden quält warrt.

Huusholtsröök (0:40)[ännern | Bornkood ännern]

Noch en Warfsennen, ditmol över slechte Luft in’t Huus.

De wunnerbore Welt vun’n Sex (4:55)[ännern | Bornkood ännern]

En Poor will in’n Ansluss an en romantisch Eten en schönen Avend hebben. Se leegt en Schallplatt op, de en Anleiden to’n Sex geven deit. De beiden maakt nipp un nau, wat jem vun de Platt vörschreven warrt.

För en Fuustvull Yen (31:34)[ännern | Bornkood ännern]

Hier warrt en „Samuel L. Bronkowitz“-Produkschoon wiest, de en richtigen lütten Film in’n Film dorstellt. Dit is de längste Deel, de en Parodie op Kampsportfilmen dorstellt, sünners op Filmen den Bruce Lee-Film Enter The Dragon.

Willer-Beer (0:58)[ännern | Bornkood ännern]

En Warfspot, bi den dat üm Beer un Hare-Krishna-Mönchen geiht.

Scot Free – dat Speel (0:58)[ännern | Bornkood ännern]

In dissen Warffilm warrt en Sellschapsspeel för de Familie vörstellt.

That’s Armageddon (2:17)[ännern | Bornkood ännern]

De drüdde „Samuel L. Bronkowitz“-Produkschoon, de wedder en Vörschau dorstellt. In dissen Deel warrt Katastrophenfilmen dör’n Kakao togen.

Help för de Doden (1:42)[ännern | Bornkood ännern]

En Ünnernehmen stellt hier jemehr Konzept vör, woans se doodbleven Familienanhöörigen wedder in’t Alldagsleven vun de Familie torüchbringen wüllt.

In’t Gericht, Deel 1 (4:35)[ännern | Bornkood ännern]

En Parodie op en Sennen, wo en Reporter ut en Gericht berichten deit.

Nesson-Ööl (0:14)[ännern | Bornkood ännern]

De Gerichtssennen warrt för Warf ünnerbroken. Man süüt en Deern, de ehr Katt kaken deit.

In’t Gericht, Deel 2 (3:02)[ännern | Bornkood ännern]

In’n tweeten Deel vun de Gerichtssennen stellt sik rut, dat de Reporter sülvst de Schullige is.

Cleopatra Schwartz (1:24)[ännern | Bornkood ännern]

De letzte Vörschau för en „Samuel L. Bronkowitz“-Produkschoon, de en Parodie op de Blaxploitation-Filmfigur Cleopatra Jones dorstellt.

Zinkoxid (1:59)[ännern | Bornkood ännern]

En en Oort Dokumentatschoon warrt över de Bedüden vun Zinkoxid in’t alldäglich Leven opklort

Rex Kramer – Gefohrensöker (1:02)[ännern | Bornkood ännern]

De Aventüerer Rex Kramer warrt bi de Arbeit vörstellt, as he sik ünner en Koppel vun Afroamerikaners mischt un jem luuthals „Nigger“ röpt. Rex Kramer is later ok de Naam vun en Figur in den Film Airplane! vun dat Trio

Spanner Feernsehn (4:24)[ännern | Bornkood ännern]

En Poor kummt bi’t Feernsehkieken in Stimmung un maakt Sex op jemehr Sofa. De Spreker ut dat Feernsehprogramm kriggt dat mit un röpt sien Lüüd tosamen. Gemeensom kiekt se jem to.

Dit un dat[ännern | Bornkood ännern]

  • De Film is mit jüst mol 650.000 US-Dollar dreiht worrn, wat ok för dormolige Tieten al teemlich wenig wesen is.
  • De Schauspelers in de Episod „För en Fuustvull Yen“ spelen doot sünd meist all echte Kampsportlers, sünners de bekannte Meister Bong Soo Han (Dr. Klahn), de Hollywood dorvun övertüügt hett, för disse Oort vun Filmen wirkliche Kampsportlers to nehmen.

Kritiken[ännern | Bornkood ännern]

Lexikon vun’n internatschonalen Film: Eine lose Folge von mehr als zwanzig Sketchen, die Trendfilme und Spots aus Kino und Fernsehen aufs Korn nehmen. Die satirisch überzogene Parodie veralbert teils witzig, teils nur derb und obszön modische Produktions- und Konsumgewohnheiten und bleibt in der Gesellschaftskritik inaktuell und relativ blaß.[1]

Dirk Jaspers Filmlexikon: Witzig, schamlos, boshaft, durchgeknallt und unverwüstlich![2]

Prisma-Online: Unverwüstlich ist sie, die TV-Satire von John Landis und dem ZAZ-Team. Eine durchgehende Handlung gibt es nicht, dafür wird kräftig zwischen den Kanälen hin und her gezappt. Was da zum Vorschein kommt, ist eine wüste Mischung aus Nachrichten, Reportage, Werbung, Klatsch, Talk-Show, Kochkurs und anderen Geschmacksverirrungen. Der Film ist längst ein Klassiker. In 20 Sketchen lässt Regisseur John Landis witzig, schamlos und boshaft das überkandidelte Angebot der amerikanischen Medienwelt Revue passieren, von der Parodie auf Karate- und Gangsterfilme über einen Ausflug ins "gefühlsaktive" Kino bis hin zum Sex vor dem Fernseher - kommentiert vom Sprecher der Nachrichten. Hauptsache es ist primitiv, billig und stets mit Sex und Action garniert: das Wunderland Fernsehen als Albtraum. Mehr als 20 Jahre nach der Entstehung ist freilich das Grauen schlechthin Wirklichkeit geworden: Vieles von dem, was heute mit absolutem Bierernst als TV-Unterhaltung angepriesen wird, übertrifft die Parodie an Absurdität und Geschmacklosigkeit um ein Vielfaches.[3]

Borns[ännern | Bornkood ännern]

  1. Lexikon des internationalen Films: Kritik zu The Kentucky Fried Movie
  2. Kritik to The Kentucky Fried Movie
  3. Prisma-Onlines Review vun The Kentucky Fried Movie

Weblenken[ännern | Bornkood ännern]