Kathedraal vun Beauvais

Vun Wikipedia
Wesseln na: Navigatschoon, Söök
Die Kathedrale vom Südosten

De Kathedraal vun Beauvais (franzöösch Cathédrale Saint-Pierre de Beauvais) is de Kathedraal in de franzöösche Stadt Beauvais. Dat weer een vun de bedüdensten Bowarken vun de Gotik.

Historie[ännern | Bornkood ännern]

Den Bo vun de Kark hebbt se ünner Bischop Milan 1247 anfungen un dat schull de gröttste gotische Kark op de Welt warrn. Dat Dwarsschipp un de Chor hebbt en Gewölvhööch vun 48 Meter, aver dat Dack vun’n Chor is 1284 tosamenbraken. Dat architektoonsche Weten in dat Middelöller hett eenfach nich reckt, so grote Bowarken uttoföhren. Na ene Puus vun 50 Johren hebbt se den Chor wedder opboot. Denn güng dat wedder nich wieder un eerst vun 1500 bet 1548 hebbt se dat Dwarsschipp boot. Al 1573 is de grote Toorn vun 152 Meter, de över dat Krüüz vun Chor un Schipp leeg, wedder dalkamen. De Gotik weer nu al nich mehr modern un ok dat Geld weer knapp, so dat dat egentliche Schipp gor nich mehr boot worrn is. Vun Bedüden sünd hüüt noch de olen Lootglasfinster, de to’n Deel vun Engrand Le Prince maakt worrn sünd. De grote Fassad is mit gotische Ornamenten utsmückt.


Koordinaten:49° 26′ N, 2° 5′ O