Karl-Heinz Kurras

Vun Wikipedia

Karl-Heinz Kurras (* 1. Dezember 1927 in Barten, Oostpreußen; † 16. Dezember 2014 in Berlin) weer en vörmoligen düütschen Polizeibeamten in West-Berlin (1949–1967 und 1971–1987). Vun 1955 bit 1967 hett he dor as en Spion för dat Ministerium för de Sekerheit vun'n Staat (MfS) vun de DDR arbeit'.

An'n 2. Juni 1967 hett Kurras den Studenten Benno Ohnesorg bi en Insatz vun de Polizei up en Demonstratschoon gegen den Besöök vun den Schah vun Persien dootschaten. In de Straafprozessen, de denn folgen döen, is he freespraken wurrn vun den Verdacht up Fahrlässige Tötung. De ganze Angelegenheit hett dormols dorto bidragen, dat de Studentenbewegung na de radikale Siet övergahn is.

Sien in’ Mai 2009 bekannt wurrn IM-Tätigkeit för den oostdüütschen Staatssekerheitsdeenst hett nee Ermittlungen to de Doodsschööt, Forschungen to de Rull vun de MfS dorbi un apenlich Debatten över en mögelk Neebewertung vun de histoorsch Folgen vun sien Doon utlööst.