Kari Ylianttila

Vun Wikipedia

Kari Sakari Ylianttila (* 28. August 1953 in Rovaniemi) is en ehmalger finnischer Skispringer un aktiv Skisprungtrainer.

To'n eersten Mal bi en internatschonalen Wettstried is he 1971 bi de Veerschanzentournee, aber sien Karriere leep ehrder langsam an. So bleev sien gröttste Spood de Gewinn vun de 26. Veerschanzentournee in' Winter 1977/78; he wunn in Bischofshofen, keem in Innsbruck un Garmisch-Partenkirchen up den tweeten un in Oberstdorf up den darten Platz. Dornah gelung hüm aber ok kien Sieg mehr un 1982 hett he sien aktiv Loopbahn afslooten. 1972 un 1980 hett he an de Olympisch Winterspelen deelnommen.

Van 1987 bit 1994 weer Yliantitila den Trainer vun de finnisch Skisprungmannschap, de he to tallriek Medaillenerfolgen führen dee. Jüstergrad legendär sünd de nich selten handfast Utnannersetten, de he sück mit Matti Nykänen, sien besten, aber ok besünners licht düll wurrn, Springer, leefert hett.

Van 1994 bit 2004 weer he Trainer vun de amerikaansch Skisprungmannschap un hett sien Wahnsitt nah Park City verleggt. Sien Upgaav weer dat, bi to de Olympisch Winterspielen 2002 in Salt Lake City en konkurrenzfähige amerikaansch Mannschap to formen; de USA weern in't Skispringen bit to disse Tiet ehrder en Entwicklungsland. Dat Teel wurr blots bedingt reckt. Ylianttila hett dat woll in de 1990er Johren schafft, mit Alan Alborn un Clint Jones twee Springer an de Welttipp rantoführen, aber bi de Olympisch Spelen keem de amerikaansch Mannschap blots up Platz 11.

In' Winter 2004/05 is Ylianttila as Trainer to'n sweedschen Skiverband wesselt. Van' Juli 2005 bit 2010 weer he denn Trainer vun de japaansch Mannschap.

Weblenken[ännern | Bornkood ännern]