Kaahumanu

Vun Wikipedia
Wesseln na: Navigatschoon, Söök
In de Tiet vun Kamehameha II. un Kamehameha III. weer Kaahumanu regeren Königin vun Hawaii.

Kaahumanu (* 17. März 1768 up Maui; † 5. Mai 1832, anunvorsik Elizabeth Kaahumanu) hett as Königin vun dat Königriek Hawaii regeert.

Familie[ännern | Bornkood ännern]

Ehre Mudder weer Namahana, ehr Vadder Keeaumoku. He weer Ratgever vun den König Kamehameha I.. As se 13 Jahr oolt weer, is se mit düssen König verheiraat wurrn. Kamehameha hett mehr Froons harrt, man Kaahumanu is sien Leevste wurrn. He hett seggt, se weer to verglieken mit de Blööt vun de Lehau un hett ok seggt „se ritt up de Wellen as een Vagel un spöört, wie dat Hart vun dat Volk slahn deit“. Kaahumanu hett den König Moot maakt, dat he för de Eenheit vun Hawaii een Krieg föhren scholl.

De Königin, de regeert[ännern | Bornkood ännern]

As Kamehameha sturben weer, woll se Partout nich Bott geben. Se geev an, de doode König harr sik dat so dacht, datt se tohopen mit ehren Söhn Liholiho regeeren scholl. De weer 22 Jahr oolt un nehm as König den Naam Kamehameha II. an. Dat Parlament vun Hawaii hett tostimmt un hett för ehr een neet Amt inricht. Dat weer de kuhina nui, de Premierminister. So bruuk se de Macht nicht ut ehr Hannen to geben un regeer amenn mit den Titel vun de Königin, de regeert nich bloß, as ehr Söhn Liholiho König weer, man ok, as Kauikeaouli König weer (He nehm den Naam Kamehameha III. an).

In ehr Tiet worrn de Rechten vun de Fruen in Hawaii beter. Se mek en Verdraag twüschen Hawaii un de USA. Kaahumanu weer evangeelsch döfft. Ehr christlich Gräffnis hett Hiram Bingham leit'.

Kiek ok nah bi de List vun de Königen vun Hawaii