Königriek Essex

Vun Wikipedia
Wesseln na: Navigatschoon, Söök
De Angelsassen ehre Königrieken an'n Anfang vun dat 9. Johrhunnert

Dat Königriek Essex oder De Oostsassen ehr Königriek (engl. Kingdom of the East Seaxe) is en vun de seven olen Königrieken vun de Angelsassen in dat hüdige England.

Dat Königriek is üm dat Johr 500 rüm upkamen. Legen hett dat in de Gemarken nöördlich un ööstlich vun London. In de twete Hälft vun dat 7. Johrhunnert is Essex endgüllig en christlichen Staat wurrn. Vun 812 af an weer de Herrscher vun Essex keen König mehr, man bloß noch en Hertog. Dormols hett dat Königriek Mercia över Essex regeert. Man in dat Johr 825 hett Mercia in'n Krieg mit dat Königriek Wessex unner Egbert vun Wessex de Slacht vun Ellandun verlaren. Dormols is Essex mit dat Königriek Wessex tohopenslaten wurrn. Later keem dat denn dör den Verdrag vun Wedmore in de Dänen ut den Danelag ehre Hannen. Hüdigendags is Essex en Graafschop in England.

Königen vun Essex[ännern | Bornkood ännern]