Juvenile Award

Vun Wikipedia

De so nöömte Juvenile Award, de ok as Miniatur-Oscar oder Jöögdpries betekent weer, weer en Filmpries. De is as Sünnerpries vun de Academy of Motion Picture Arts and Sciences in’n Rahmen vun de Oscar-Verlehen vun 1935 bit 1961 vergeven worrn.

De Juvenile Award weer en Lütt-Utgaav vun de normalne Oscar-Statue. De eerste Winner vun dissen Sünnerpries weer de dormols sössjohrige Shirley Temple. Vundaag warrt disse Pries nich mehr vergeven, wieldat de Jung- un Kinnerdorstellers nu ok in de normalen Nomineeren mitmaken künnt (as t. B. Haley Joel Osment för sien Rull in The Sixth Sense, Keisha Castle-Hughes in Whale Rider, Anna Paquin in The Piano oder Abigail Breslin in Little Miss Sunshine).

De Priesdrägers[ännern | Bornkood ännern]

  • 1935: Shirley Temple Achten vun ehrn utermatigen Bidrag in de Filmünnerhollen 1934 (Öller: 6 Johr)
  • 1939: Deanna Durbin (Öller: 17) un Mickey Rooney (Öller: 18) för jemehrn bedüdenden Bidrag, den Geist un de Personifikatschoon vun Jöögd op de Lienwand to bringen un as junge Schauspelers en hogen Standard an Talent un Vullennen to setten.
  • 1940: Judy Garland för utermatig Dorbeden vun en junge Dorstellerin in’t Johr 1939 (Öller: 17 Johr)
  • 1945: Margaret O’Brien Utermatige Kinnerdorstellerin in’t Johr 1944 (Öller: 8 Johr)
  • 1946: Peggy Ann Garner Utermatige Kinnerdorstellerin in’t Johr 1945 (Öller: 13 Johr)
  • 1947: Claude Jarman jun. Utermatig Kinnerdorsteller in’t Johr 1946 (Öller: 12 Johr)
  • 1949: Ivan Jandl för The Search (Öller: 12 Johr)
  • 1950: Bobby Driscoll Utermatig jung Dorsteller in’t Johr 1949 (Öller: 12 Johr)
  • 1955: Vincent Winter för The Little Kidnappers (Öller: 7 Johr)
  • 1955: Jon Whiteley för The Little Kidnappers (Öller: 10 Johr)
  • 1961: Hayley Mills för Pollyanna, de utermatigste junge Dorbeden in’t Johr 1960 (Öller: 14 Johr)