Julius Reubke
Julius Reubke (* 23. März 1834 in Hausneindorf bi Queddelnborg; † 3. Juni 1858 in Pillnitz bi Dresden) weer en düütsch Pianist, Organist un Komponist.
Leven[ännern | Bornkood ännern]
He weer en Söhn vun den Örgelbauer Adolf Reubke. 1856 keem Reubke nah Weimar un wurr dor en Schöler vun Franz Liszt. Neben eenig lütt Warken schreev he twee groot anleggt Sonaten: de Klaveersonate in b-Moll un de Örgelsonate „Der 94. Psalm“ in c-Moll. De Örgelsonate kann man as groot anleggt symphonisch Dichtung upfaaten. Se is in en düster un unruhig Stimmung hollen. De Sonate, de nich wenige technisch Schwierigkeiten upwiest, hörrt to dat Standardrepertoire vun de Konzertorganisten.
De harmonische Spraak vun Reubke is in hör Modulatschonen un Vörhollen deelwies bannig kühn, bispeelswies de Dissonanzen in den Finalsatz vun de Klaveersonate.[1]
Reubke is 1858 in Pillnitz storven un wurr up den Hosterwitzer Karkhoff begraven. Sien Graff gifft dat aber nich mehr.
Warken (Utwahl)[ännern | Bornkood ännern]
- Klaveersonate b-moll
- Örgelsonate (Psalm 94) c-moll
- Scherzo op.3
Literatur[ännern | Bornkood ännern]
- Marion Brück: Reubke, Friedrich Julius. In: Neue Deutsche Biographie (NDB). Band 21, Duncker & Humblot, Berlin 2003, ISBN 3-428-11202-4, S. 450 f.
- Michael Gailit: Julius Reubke (1834–1858): Leben und Werk. Gunter Lade, 1995
Enkeld Nahwiesen[ännern | Bornkood ännern]
- ↑ Klaviersonate up Youtube.com
Weblenken[ännern | Bornkood ännern]
- DNB-Katalog
- Noten un Audiodateien vun Julius Reubke in dat International Music Score Library Project