Jules Pierre Rambur

Vun Wikipedia
Wesseln na: Navigatschoon, Söök

Jules Pierre Rambur (* 21. Juli 1801 in Ingrandes bi Chinon; † 10. August 1870 in Genf) weer en franzöösch Dokter, Entomoloog un Lepidopteroloog.

He studeer in Tours un Montpellier Medizin. Sien Doktertitel kreeg he in' September 1827 in Paris. Mit sien Kindheitsfrüend Adolphe de Graslin (1802-1882) un Jean Baptiste Alphonse Dechauffour de Boisduval (1799-1879) hett he de mehrbannig Collection iconographique et historique des chenilles d’Europe (Paris, 1832-1843) verfaat.

1829 bit 1830 hett he Korsika bereist un 1832 den Catalogue des lépidoptères de l’île de Corse verfaat. An' 29. Februar 1832 nehm he an de Grünnensversammeln vun de Société entomologique de France deel. 1834 bit 1835 ünnernehm he tosommen mit Graslin en groot Reis dör Andalusien. De Ergevnisse vun disse Reis wurrn mit de Faune entomologique de l’Andalousie (2 Bannen, 1837-1840) un in' Catalogue systématique des Lépidoptères de l’Andalousie (1858-1866) verapenlicht. 1841 hett he heiraadt un leet sück as Dokter in Seiches (Maine-et-Loire) daal. Later leev he in Saint-Christophe (Indre-et-Loire), in Tours un toletzt in Genf.

Borns[ännern | Bornkood ännern]

  • Jean Gouillard: Histoire des entomologistes français, 1750-1950. Édition entièrement revue et augmentée. Paris, Boubée 2004
  • Jean Lhoste: Les Entomologistes français. 1750-1950. INRA Éditions, 1987