José Maria Neves

Vun Wikipedia
Wesseln na: Navigatschoon, Söök
José Maria Neves

José Maria Pereira Neves (* 28. März 1960 in Santa Catarina) is en kapverdischen Politiker un siet Februar 2001 Premierminister vun Kap Verde.

Fröhe Johren[ännern | Bornkood ännern]

Neves is op’t Hööfteiland vun de Kapverden, Santiago, boren un opwassen. Dor hett he in de 1980er Johren sien Schoolutbilln maakt un harr denn de Mööglichkeit, över’n Stipendium in’t Utland to studeeren. In Brasilien hett he an’t Institut Fundação Getúlio Vargas Verwaltungswesen studeert un mit’n Bachelor afslaten[1]. As he na Kap Verde torüch keem, is he dor in’n Verwaltensdeenst gahn.

Politisch Loopbahn[ännern | Bornkood ännern]

Enn vun de 1980er Johren weer Neves in de Jöögdorganisatschoon vun de dormoligen Eenheitspartei Partido Africano para a Independência de Cabo Verde (PAICV) aktiv. 1996 is he för den Bezirk Santa Catarina Afordenter in’t Parlament för de PAICV worrn, de intwüschen in de Oppositschoon weer, un weer denn ok Parlaments-Viezpräsident. In’n März 2000 hett he dat Börgermeesteramt vun Sanata Catarina övernahmen.

In’n Juni vun’t glieke Johr hett sien Partei em to’n Vörsitter wählt. Ünner sien Föhren künn de PAICV an’n 14. Januar 2001 de Parlamentswahlen winnen un he weer an’n 1. Februar 2001 ne’e Premierminister vun’t Land. Sien Weertschops- un Finanzpolitik warrt vun de Weltbank un vun’n Internatschonalen Währungsfond as positiv betekent.

De Parlamentswahlen an’n 22. Januar 2006 hett noch mol wedder de PAICV wunnen. An’n 7. März 2006 is Neves sien Amtstiet üm wietere fief Johren verlängert worrn.

Borns[ännern | Bornkood ännern]

  1. http://www.bu.edu/aparc/news/NevesBio.htm

Weblenken[ännern | Bornkood ännern]