José Manuel Fuente
José Manuel Fuente Lavandera (* 30. September 1945 in Limanes; † 18. Juli 1996 in Oviedo) weer en spaansch Radrennfohrer.
Loopbahn[ännern | Bornkood ännern]
Fuente weer Profi van 1969 bit 1976. De meest Johren hett he för de Mannschap vun KAS-Kaskol fohren.
Wiel he bannig licht weer, wurr he een vun de gröttste Bargfohrer ut sien Tiet. Vun sien Landslüüd kreeg he dorum den Ökelnaam El Tarangu. Veermal hett he dat Bargtrikot, dat Maglia Verde vun den Giro d’Italia wunnen 1971 bit 1974, de Bergwertung vun de Vuelta a España 1972 un de Bargwertung vun de Tour de Suisse 1973. Dorneben wunn he tallriek Bargdeelstrecken bi de Tour, den Giro un de Vuelta.
Ok in de Gesamtklassements vun de groot Rundfohrten weer he bannig spoodriek. De Vuelta kunn he 1972 un 1974 up sien Naam schrieven. Dortüschen, 1973, wunn he de Gesamtwertung vun de Tour de Suisse. Bi de Tour de France weer de daarte Platz 1973 un bi den Giro de tweete Platz 1972 sien jeweils best Platzeeren. Insbesünnere bi den Giro weer he en vun de gröttste Konkurrenten vun Eddy Merckx.
1976 dwung hüm en swoor Niereninfektschoon dorto, sien Karriere to beenden.
Um die Erinnerung an hüm waak to hollen, wurr nah sien Dood de Trofeo José Manuel Fuente Tarangu, en swoor Rennen för de Junioren in sien Heimat Asturien, schaffen.