Jorge Batlle Ibáñez

Vun Wikipedia
Jorge Batlle Ibáñez (2003)

Jorge Luis Batlle Ibáñez (* 26. Oktober 1927 in Montevideo; † 24. Oktober 2016 ok dor)) weer en uruguayisch Afkaat, Journalist un Politiker. He weer Liddmaat vun de Colorado-Partei un weer van’ 1. März 2000 bit to’n 1. März 2005 Präsident vun sien Land.

Dr. Jorge Batlle Ibáñez hett an‘ 1. März 2000 den Amtseed afleist, nahdem he tovör to’n Präsidenten wählt wurrn weer war. De Wahl to’n Präsidenten weer för hüm de krönend Afsluss vun en lang Karriere in‘ apenlichen Deenst, in de he mehrfak Liddmaat vun dat Parlament, den Senat un den Kongress weer. Sien politische Karriere fung 1945 an uni s eng mit de Partido Colorado verbunnen. Sien Vater Luis Batlle Berres weer tweemal Präsident. Ok anner Liddmaaten vun de Familie – de oorsprünglich ut Katalonien stamm – weern eng mit de Partido Colorado verbunnen.

Bit 1958, as he to’n eersten Mal as Kongressafordneter wählt wurr, hett Batlle, de an de Universidad de la República Jura un Sozialwetenschapen studeert hett un 1956 sien Diplom kreeg, as Journalist für den Radiosender "Ariel" un för de Zeitung "Acción" arbeit. To disse Tiet weer he ok all Liddmaat in’ Vörstand vun sien Partei. In de Tiet vun de Militärdiktatur van 1973 bit 1985 harr he kien apenlich Amt un wurr mehrfak fastnommen. 1985 stunn he den eersten demokraatsch wählt Kongress nah de Militärdiktatur vör. In‘ September 1986 weer he Vörsitter vun de uruguayisch Delegatschoon bi de UN. In November 1994 wurr he to’n Senator för den Tietruum van‘ 15. Februar 1995 bit 15. Februar 2000 wählt. Dit Amt hett he an‘ 1. Juni 1999 daalleggt, as he vun sien Partei to’n Kandidat för dat Präsidentenamt wählt wurr.

In‘ Oktober 1999 wurr en Bündnis ut linken Gruppeeren, Encuentro Progresista (Frente Amplio) starkste Partei bi den Parlamentswahlen, hör Präsidentschapskandidat Tabaré Vázquez kunn sück bi de Steekwahlen um dat Amt vun den Staats- un Regeerensbaas, aber nich tegen den Vertreder vun de Coorado-Partei, Jorge Luis Batlle Ibáñez, dörsetten, de denn in‘ März 2000 vereedigt wurr. Dr. Jorge Batlle Ibáñez weer de 4. Präsident, de to de Batlle-Familie hörr – een vun sien Vörgänger weer sien eegen Vader – en Naam, de eng mit de politisch Historie vun dat Land verbunnen is.

Batlles Regeerenstiet weer kenntekend dör Rezession un Unweetenheit. Toeerst dör dat Afwerten bun den brasiliaanschen Real 1999 un denn dör den Utbröök vun de Muul- un Klauensüük, de en vun de Hööftwertschapstwieg vun Uruguay swoor drapen dee un toletzt dör den politischen un ökonoomsch Umstött in Argentinien, 2001. In dat Johr 2002 keem dat in Tosommenhang mit de Argentinien-Krise to en Bankenkrise in Uruguay, in deren Folge mehrere Banken umstruktureert weern mussen un eenige ok slooten wurrn.

Vörgänger Amt Nafolger
Julio María Sanguinetti Coirolo Präsident vun Uruguay
1. März 2000 - 1. März 2005
Tabaré Vázquez

Weblenken[ännern | Bornkood ännern]