Jordan vun Sassen

Vun Wikipedia
Wesseln na: Navigatschoon, Söök
Fresko ut Worms

Jordan vun Sassen (ok latiensch Jordanus Saxo; * wohrschienlich vör oder üm 1200 op Slott Borgbarg bi Ossenbrügge; † 1237 vör de Küst vun Syrien bi Akkon) is en kathoolschen Hilligen.

Jordan weer vun 1222 af an Ordensgeneral vun de Dominikaner un de Opfolger vun’n Ordensgrünner Dominikus in Paris. Jordan gellt as de, de den Orden eerst richtig organiseert hett. In siene Tiet sünd över 300 Konvente nee grünnt worrn.

1237 güng he op Reis na Jerusalem, dor in dat Hillige Land welk Öörd to besöken, woneem sik de Orden dallaten harr. Op’n Weg trüch is sien Schipp op en Klipp bi Akkon oplopen un sunken. He is in Akkon in de Dominikanerkark bisett worrn.

Sien Gedenkdag in de kathoolsche Kark is de 13. Februar. Paabst Leo XII. hett em 1825 selig spraken.

Welk Forschers gaht dor vun ut, dat he de sülve is as Jordanus Nemorarius, wat aver nich to bewiesen is.