Joop Zoetemelk

Vun Wikipedia
Joop Zoetemelk (2008)

Joop Zoetemelk (* 3. Dezember 1946 in Rijpwetering, Gemeend Alkemade dicht bi Leiden; eegentlich Hendrik Gerardus Joseph Zoetemelk) is de spoodriekst nedderlannsch Radrennfohrer un weer en vun de best Radprofis vun de 1970er und 1980er Johren. 1980 wunn he de Tour de France.

Karriere[ännern | Bornkood ännern]

Zoetemelk, 1968 Goldmedaillenwinner in dat 100-km-Mannschaps-Straatenrennen bi de Olympisch Sömmerspelen 1968 in Mexiko-Stadt, fung sien Profikarriere 1970 an un keem all glieks in dat eerste Johr bi de Tour de France up Platz 2. Insgesamt hett he söss Mal den tweeten Platz bi de Tour schafft (1970, 1971, 1976, 1978, 1979 un 1982). Insgesamt is he dor 16 Mal antreden un keem immer in’t Ziel in Paris. Domit is he alleenig Rekorddeelnehmer vun de Tour de France. Zoetemelk droog an 22 Daag dat Geel Trikot un hett insgesamt 10 Deelstrecken wunnen. Dat he nich mehr as een Toursieg schafft hett, leeg an sien twee övermächtig Konkurrenten Eddy Merckx un Bernard Hinault, de bi fiev vun sien söss tweet Platzen up Platz een keemen.

Neben de Tour de France kunn he 1979 ok de Vuelta a España winnen. Aber nich blots de groot Rundfohrten, ok bi körter Deelstreckenrennen un den Eendagsklassikern harr he eenigen Spood. So hett Zoetemelk Paris–Nizza (1974, 1975, 1979), Paris–Tours (1977, 1979) un da Amstel Gold Race (1987) wunnen. En groot Överraschung weer de Sieg bi de Straatenweltmeesterschap 1985 mit 38 Johr.

Zoetemelk wurr 1977, 1979 un 1983 bi de Tour de France positiv up Dopingmiddel prüüft un hett 1983 togeeven, bi de jährlich Vörbereitung Nandrolon bruukt to hemm.[1][2]

Weblenken[ännern | Bornkood ännern]

Joop Zoetemelk. Mehr Biller, Videos oder Audiodateien to’t Thema gifft dat bi Wikimedia Commons.

Enkeld Nahwiesen[ännern | Bornkood ännern]

  1. Cycling4Fans: Radsport - Dopingfälle
  2. T-Mobile International AG & Co. KG: Jüngster Olympiasieger, ältester Weltmeister, 3. Dezember 2004