Jonathan (Appel)

Vun Wikipedia
Wesseln na: Navigatschoon, Söök
Jonathan-Appel

Jonathan is en Huusappel (Malus domestica) ut de USA.

De Appelsoort is ut en Samling vun de Sort Esopus Spitzenbarg tostannen kamen, man mit wovun annere Soort de krüüzt worrn is, dat weet nümms nipp un nau. Funnen worrn is de Appelsoort üm 1800 op den Hoff vun Philip Rick in Woodstock. To’n eersten mol beschreven weer de Appel in’t Johr 1826 vun J. Buel, de em na Jonathan Hasbrouck ut Kingston nöömt hett, Vun em harr he de eersten Appels vun disse Soort toschickt kregen.

De Jonathan is en middelgroten, düsterroden Appel mit en fien-süerlichen Smack, de sik düchtig goot för lnge Tiet lagern lett. De Oorn is Anfang September, riep to’n Geneet is he vun’n Dezember bit April. In’n CA-Lager kann de Appel 250 Daag lagert warrn.

De Bedüden vun dissen Appel is bannig torüchgahn. Vundaag is he man blots noch en roren Nischenappel. De Boom driggt rieke Büüt un is blots wenig fienföhlig gegen Frost. Man, he bruukt en ordigen Snitt un is ’n beten anfällig gegen Mehldau.

kiek ok[ännern | Bornkood ännern]

Weblenken[ännern | Bornkood ännern]