John Stubblefield

Vun Wikipedia

John Stubblefield (* 4. Februar 1945 in Little Rock, Arkansas; † 4. Juli 2005 in Bronx, New York) weer en US-amerikaansch Jazz-Tenorsaxophonist un Flötist.

Leven un Wark[ännern | Bornkood ännern]

John Stubblefield hett as Kind eerst Klaveer lehrt, wessel denn aber to dat Saxophon, truck later nah Chicago, wo he Enn’ vun de 1960er Jahre in dat AACM-Ümfeld mit Musikers as Joseph Jarman oder Lester Bowie arbeiten dee. 1971 truck he nah New York un Arbeit dorm it Charles Mingus un McCoy Tyner. 1972 hett he an Anthony Braxtons Produktion Town Hall (Trio & Quartet) 1972 mitwarkt, 1973 speel he bi Abdullah Ibrahim (Africa Space Program) un 1974 speel he för en körten Tiet in de Miles Davis Band, wo he up den Titel Calypso Frelimo to hören is, to finnen up dat Album Get Up With It. 1976 weer he Liddmaat vun de Band vun Nat Adderley.

In de 1980er Johren harr he eegen Formationen; siet 1984 nehm he Alben ünner eegen Naam, meest för dat Enja-Label mit Musikers as Geri Allen, Cecil Bridgewater, Mulgrew Miller, Charnett Moffett, Hamiet Bluiett, Rufus Reid un Victor Lewis up. 1980 hett he an Kip Hanrahans Produktion Coup de Tete mitwarkt, 1983 weer he an de Produktion Impressions of Charles Mingus vun dat Teo Macero Orchestra bedeeligt, 1988 speel he in Julius Hemphills Big Band, in de Jerry Gonzalez Band un bi Kenny Barron (Live at fat Tuesday's). 1989 weer he noch an Abdullah Ibrahims Album African River bedeeligt un speel bi Louis Hayes (Una Max).

In de 1990er Johren speel he mit McCoy Tyner, Craig Harris (F-Stops), nochmals 1994 mit Kenny Barron un Jerry Gonzalez un 1997 mit Larry Willis. Van 1993 an weer he regelmaatig an Projekten vun de Mingus Big Band bedeeligt.

John Stubblefield is an Prostatakrebs storven.

Sien Stil wurrd vun Richard Cook mit David Murray vergleeken.

Diskographisch Hinwiesen[ännern | Bornkood ännern]

Literatur[ännern | Bornkood ännern]

Weblenken[ännern | Bornkood ännern]