Johann Hermann Bauer

Vun Wikipedia

Johann Hermann Bauer (* 30. Juni 1861 in Prag; † 5. April 1891 in Görz) weer en öösterrieksch Schachmeester.

Bauer is 1886 vun Prag nah Wien trucken, wo he tonächst as Bookholler arbeiten dee. To'n Johreswessel 1886/87 wunn he de Meesterschap vun de Wiener Schachsellschopp un wurr de Beropsspeler. 1887 wunn he dat Hööftturnier bi den Kongress vun de Düütschen Schachbund in Frankfurt am Main un kreeg de Meestertitel. 1889 deel he sück in Breslau den 5. bit 7. Platz in dat Meesterturnier mit Curt von Bardeleben, Isidor Gunsberg un Louis Paulsen. 1890 wurr he bi en Meesterturnier vun den öösterrieksch-ungaarschen Schachbund in Graz Tweet. Vör ünner annern Emanuel Lasker un Georg Marco.

Sien to fröh Dood wegen Tuberkulose 1891 hett de völversprekend Schachkarriere beend. In sien Doodsjohr 1891 kunn he aber noch twee Tweekämpe in Wien winnen: he wunn gegen Georg Marco mit 3:1 (+2, -0, =2) un gegen Adolf Albin mit 4-0.

Bauer bleev de Schachwelt besünners in Erinnerung dör sien Nedderlaag gegen Emanuel Lasker bi dat internatschonal Meesterturnier in Amsterdam.

Weblenken[ännern | Bornkood ännern]