Johann Gottlieb Graun

Vun Wikipedia
Wesseln na: Navigatschoon, Söök

Johann Gottlieb Graun (* 28. Oktober 1703 in Wahrenbrück; † 27. Oktober 1771 in Berlin) is en düütschen Vigelienspeler un Komponist ween.

Över sien Leven[ännern | Bornkood ännern]

Graun is an de beröhmte Krüüzscholen in Dresden utbillt wurrn. Sien Schoolmeester an de Vigelien weer Johann Georg Pisendel. 1723 reis he na Prag. He woll dor studeern bi Giuseppe Tartini. Denn is he 1726 kort in Merseburg un bi den Prinzen Waldeck in Arolsen togange ween. Achterna keem he avers mit sien jungern Broder Carl Heinrich Graun na Rhiensbarg in den Deenst vun den Kronprinzen Frederik vun Preußen. Carl Heinrich weer Komponist un Kapellmeester. 1740 is Frederik König wurrn un Graun is denn bit an sien Dood as Konzertmeester un Kapellmeester in den König sien Deenst bleven. He weer tostännig for de Striekers vun dat königliche Opernorchester. Vun siene Schölers sund Wilhelm Friedemann Bach un Franz Benda an'n bekanntesten wurrn.

Duurutstellung[ännern | Bornkood ännern]

Mit en Duurutstellung over dat Leven un dat Wark vun de beiden Graun-Bröer ehrt dat Kreismuseum in Bad Liebenwerda de beiden Musikers. Bovenhen gifft dat, in Tosamenarbeit mit de Kreismusikschool, elk Johr Festspeele.

Literatur[ännern | Bornkood ännern]

  • John W. Grubbs: The sacred Choral Music of the Graun Brothers. 1972.
  • Carl Heinrich Mennicke: Hasse und die Brüder Graun als Symphoniker. Breitkopf und Härtel, Leipzig 1906, Wiesbaden 1977, Olms, Hilmessen 1977 (Repr.). ISBN 3-487-06307-7 (Hasse: 86, Carl Heinrich: 32, Johann Gottlieb: 115)
  • Matthias Wendt: Die Trios der Brüder Graun. Bonn 1983. (143)
  • Monika Willer: Die Konzertform der Brüder Graun. Lang, Frankfort an'n Main 1995. ISBN 3-631-47014-2 (161)
  • Christoph Henzel: Graun Werkverzeichnis. 2 Bnn. Ortus, Beeskow 2006. ISBN 978-3-937788-02-9