Johann Cramer

Vun Wikipedia

Johann Cramer (* 29. Juli 1905 in Nörden/Oostfreesland; † 14. Januar 1987 in Willemshaven) weer en düütsch Politiker (SPD).

Leven un Berop[ännern | Bornkood ännern]

Cramer hett nah de Volksschool de Hannelsschool besöcht un ansluutend en koopmännisch Lehre maakt. Af 1924 hett he as Redakteur bi de vun Hermann Tempel leit Ostfriesische Volkszeitung arbeit Bit 1931 weer he ok Vörsitter vun den „Zentralverband der Angestellten“ in Emden, ansluutend weer he bit 1933 Chefredakteur vun dat Volksblatt in Saalfeld. 1933 keem he ut politisch Grünnen vörövergahnd in Haft. Nahdem he weer entlaaten wurrn weer hett he eerst en Akzidenz-Druckeree un later en Schohinlagen-Fabrik grünnd. Af 1941 weer he Suldat un keem gegen Kriegsenn in britisch Kriegsfangenschap, ut de he 1946 entlaaten wurr.

Nah den Tweeten Weltkrieg wurr Cramer 1946 Bedrievsprüfer bi dat Hööftarbeitsamt in Emden, ansluutend Baas vun dat Kreiswertschaptsamtes Nörden. He weer Lizenzdräger vun de Norddeutsche Rundschau, deren Chefredakteur he 1954 ok wurr.

Partei[ännern | Bornkood ännern]

Cramer hörr 1920 to de Mitbegrünner vun de „Sozialistische Jugend Norden“ un is 1921 de SPD bitreden. Siet 1955 weer he Kreisvörsitter vun de SPD in Willemshaven. Todem weer he stellvertreden Vörsitter vun den SPD-Parteibezirk Werser-Eems.

Afordneter[ännern | Bornkood ännern]

1948/49 hörr Cramer den Wertschapsraat an. 1949 wurr he as direkt wählt Afordneter Liddmaat vun den Düütschen Bundsdag un weer in de Legislaturperiood Vörsitter vun den Bundsdagsutschuss för dat Post- un Feernmeldewesen. Den Bundsdag hörr he denn weer van 1957 bit 1972 an, dorbi kunn he 1961 un 1969 sien Wahlkreis direkt winnen, ansonsten is he över de Landslist Neddersassen in den Bundsdag intrucken. Sie 1956 weer he todem Stadtverordneter in Willemshaven.

Ehrungen[ännern | Bornkood ännern]

Johann Cramer wurr 1968 mit dat Bundsverdeenstkrüüz uttekent und 1972 mit dat Groot Verdeenstkrüüz mit Steern.

Literatur[ännern | Bornkood ännern]

  • Johann Cramer: Aufzeichnungen und Erinnerungen. In: Abgeordnete des Deutschen Bundestages - Aufzeichnungen und Erinnerungen, Band 1. Boppard am Rhein, 1982, Sieden 255 - 307.
  • M.d.B. – Die Volksvertretung 1946–1972, Biografien C: (Cahn-Garnier bis Czymek), S. 193 (PDF; 88 kB), online bi de Kommission für Geschichte des Parlamentarismus und der politischen Parteien e.V.

Weblenken[ännern | Bornkood ännern]