Joachim von Ribbentrop

Vun Wikipedia
Joachim von Ribbentrop as Anklagter in Nürnbarg

Ullrich Friedrich Willy Joachim von Ribbentrop (* 30. April 1893 in Wesel; † 16. Oktober 1946 in Nürnbarg) weer en düütsch Politiker (NSDAP). He weer van 1938 bit 1945 Rieksbutenminister.

Ribbentrop hörr to de 24 in' Nürnbarger Prozess tegen de Hööftkriegsverbreker vör den Internatschonalen Militärgerichtshoff anklagten Personen. He wurr an' 1. Oktober 1946 in all veer Anklagepunkten schuldig spraaken, to'n Dood dör den Strang veroordeelt un an' 16. Oktober 1946 uphangen.

Leven[ännern | Bornkood ännern]

Herkunft un Familie[ännern | Bornkood ännern]

Joachim von Ribbentrop weer de Söhn vun den lateren Oberstleutnant Richard Ullrich Friedrich Wilhelm Ribbentrop un de Johanne Sophie Hertwig. An' 15. Mai 1925 wurr he vun sien entfernt verwandten Tant Gertrud von Ribbentrop (1863–1943), deren Vader Karl Ribbentrop 1884 adelt wurrn weer, adopteert un führ siet dem den Naam „von Ribbentrop“.

Ribbentrop hett an' 5. Juli 1920 in Wiesbaden Anna Elisabeth (Annelies) Henkell (* 12. Januar 1896 in Mainz; † 5. Oktober 1973), de Dochter vun den Sektfabrikanten Otto Henkell (1869–1929) un sien Fru Katharina (Käthe) Michel heiraadt, un he führ denn ok de Berliner Vertretung vun sien Schwegervader. Dat Ehepaar Joachim un Annelies von Ribbentrop harr fiev Kinner:

  • Rudolf von Ribbentrop (* 11. Mai 1921 in Wiesbaden), ehmalg Mitinhaber vun Henkell
  • Bettina von Ribbentrop (* 20. Juli 1922 in Berlin)
  • Ursula von Ribbentrop (* 19. Dezember 1932 in Berlin)
  • Adolf Henkell-von Ribbentrop (* 2. September 1935 in Berlin), ehmaliger Mitinhaber vun Henkell, verheiraadt mit Christiane boren Gräfin Eltz, de Moder vun den ehmalgen Bundsminister för’t Verdeffenderen Karl-Theodor zu Guttenberg
  • Barthold von Ribbentrop (* 27. Dezember 1940 in Berlin), ehmaliger Chef vun de Börsenafdeelen vun de Düütsche Bank

Utlandsupenhollen un Eerste Weltkrieg[ännern | Bornkood ännern]

Van 1904 bit 1908 leev de jung Joachim Ribbentrop in Metz[1], dat to de Tiet to Düütschland hörrn dee. Tüschen1908 un 1914 verbroch he völ Tiet in't Utland: den Winter 1908/09 över mit sien Vader un Steefmoder in Arosa un tüschen 1910 un 1914 meest blots in Kanada, wo he en Importgeschäft för Wiens ut Düütschland harr un dor 1914 ok Liddmaat vun en Eishockey-Mannschap weer.[2] Ribbentrop kunn Franzöösch un Engelsch snacken.

Unmittelbor nahdem de Eerste Weltkrieg anfung, hett he Kanada verlaaten, um up de düütsche Siet to kämpen. In Düütschland wurr up Vermittlung vun sien Vader in en Kavallerieregiment upnommen, kreeg bald dat Iesern Krüüz Erste Klass un wurr to’n Oberleutnant befördert. Nah en Verletzung an de Front wurr he in de Düütsch Botschap in Istanbul versett.

Weimarer Republiek[ännern | Bornkood ännern]

1919 nehm he sien Afscheed as Oberleutnant un weer denn Vertreder för franzöösch Wiens un Liköre. In’ Sömmer 1919 hett he Otto Henkell un kört dornah de sien Dochter Annelies kennen lernt. He hett de sück hüm beeden Mögelkeiten greepen, hett en bestahn Verlobung lööst un hett um de Industriellendochter wurben. De Öllern vun Annelies weern anfangs gegen disse Verbinnen, weil se dorin blots en köhl Bereeken vun Ribbentrop annommen hebbt. 1920 ergeev sück för Ribbentrop dör den Dood vun de düütschen Vertreder vun de Whisky-Firma Johnnie Walker en nich verwacht beroplich Chance. He wull de Nahfolge övernehmen, kreeg aber mit, dat sück twee Mitbewerber all mit de Bahn up den Weg nah Schottland maakt harrn. Kört entslooten hett he sück en old Kriegsfloogtüüch köfft un leet sück sofort nah Kilmarnock to Sir Alexander Walker fleegen, wo he up den Rasen direkt vör dat Slott lannen dee. De verblüffte Walker hett blots noch meent: „You are my man!“

Överwältigt vun disse Tat hett Otto Henkell de Hoochtiet tostimmt un hett Ribbentrop an sien Berliner Vertretung halt. An’ 11. Mai 1921 keemm in Wiesbaden Rudolf, de öldste Söhn vun Joachim un Annelies Ribbentrop to Welt, an’ 20. Juli 1922 folg Dochter Bettina. Middlerwiel hebbt de Ribbentrops in’ Berliner Ortsteil Dahlem wahnt. En stattlich Mitgift un en groottüügig Apanage vun Otto Henkell hebbt hör dat mögelk maak, en elegante Villa in de Lentzeallee 7–9 to errichten. Dör mehrere An- un Ümbauten wurr dat Anwesen um en Park mit Tennisplatz un Swimmingpool wieder maakt. De Ribbentrops weern in de Tiet Sammler vun Kunst un Wertgegenständen, dorünner Biller vun Gustave Courbet, Claude Monet un André Derain as ok old Tapisserien un düer Teppiche.

Midden vun de 1920er Johren weer dat Import-/Exportgeschäft vun Ribbentrop en vun de gröttsten in Düütschland. 1924 hett Ribbentrop de Henkell-Vertretung daalleggt un hett sück blots noch mit sien eegen Firma befaat. Dordör wurr he in ganz kört Tiet bannig riek. In dat Huus Ribbentrop geev dat dormals Sellschoppen Cocktailpartys un Bridgeavend. Dorto hett sück de best Berliner Sellschopp (Adelige, Finanziers, Industrielle) in de Villa drapen. Völ vun de Früenden weern Jöden. Bit 1932 hull sück dat Interesse vun Ribbentrop för Politik in Grenzen. Den Upstieg vun den Natschonalsozialismus hett he blots an’ Rand mitkreegen. He harr aber en deep Afneegen tegen den Kommunismus. Eerst as Adolf Hitler sien Spood nich mehr to översehn weer, leet sück Ribbentrop in’ Sömmer 1932 en Audienz bi de lateren Führer vermiddeln.

Tiet vun den Natschonalsozialismus[ännern | Bornkood ännern]

Nahdem he1932 Adolf Hitler kennenlernt harr, is he de NSDAP bitreden (Liddmaatsnummer 1.199.927). Wegen sien Bewunnern för Adolf Hitler stell Ribbentrop, middels sien sellschopplich Beziehungen, in’ Verloop vun dat Johr 1932 Kuntakt tüschen inflootriek Persönlichkeiten vun Berlin un Adolf Hitler her. Disse Kuntakte hebbt Hitler dat lichter maakt, de „Machtgriepen” 1933 ahn grooten Wedderstand dörtoführen.

Ribbentrop wurr 1933 bi de Kabinettsbillen nich, as vun hüm hoopt, Buten ´ministe, weil vun Sieden vun de NSDAP de „old Kämper]]” Alfred Rosenberg för dit Amt vörsehn weer, dat den aber de Konservativen för sück in Anspröök nehmen. Rieksbutenminister bleev de all ünner de Riekskanzlers Franz von Papen un Kurt von Schleicher amteeren Konstantin Freiherr von Neurath. Ribbentrop kreeg aber 1934 as en Oord parteiamtlicher Sonnerbotschopper den Titel „Außenpolitischer Berater und Beauftragter der Reichsregierung für Abrüstungsfragen”. Todem wurr he Enn 1934 to’n Beupdragten för butenpolitisch Fragen in’ Staff vun den Stellvertreder vun den Führer (Rudolf Heß) benömmt.[3]

In’ Juni 1935 wurr he denn to’n „Außerordentlichen und Bevollmächtigten Botschafter des Deutschen Reiches” befördert; he hett in disse Positschoon – as Außerordentlicher Botschaper – noch in de sülvig Maant in London dat düütsch-britisch Flottenafkommen mit Grootbritannien afslooten, wat dat dat Düütsch Riek nu trotz de Bestimmungen vun den Versailler Verdrag erlooven dee, en Flotte vun een Drittel vun de Grött vun de britisch Flotte to bauen, also ok Schlachtscheep – allerdings blots mit en Standardverdrängen vun maximal 35.560 metrisch Tünnen.

Dat maak dat denn ok 1936 offiziell mögelk, de all siet 1933 plaant Schlachtscheeep Bismarck un Tirpitz up Kiel to leggen. De Plaans för beid Scheep hebbt aber mit jeweils över 41.000 Tünnen vun Anfang an en Verletzung vun den Versailler Verdrag (de blots Tonnagen bit maximal 10.000 Tonnen erlooven dee) vörsehn, wobi denn nah Fardigstellen 1940/41 de tatsächlich Standardverdrängen de Konstruktschoonen sogor jeweils meest 46.000 Tünnen bedroog. Dorgegen wies de offizielle Angaav tegenöver de britisch Regeeren pro Schipp 35.560 Tünnen ut, um den Indruck to maken, dat sück de Rieksregeeren an dat Flottenafkommen hollen harr. In dat sülvig Johr hett Ribbentrop de Düütsch-Engelsch Sellschopp grünnd.

Rieksbutenminister Joachim von Ribbentrop as SS-Gruppenführer, 1938

In' Juli 1935 hett Heß Tostännigkeiten nee verdeelt, wobi Ribbentrop tosätzlich de Bearbeitung vun de „volksdeutschen Fragen in Europa und den USA“ in' Staff vun den Stellvertreder vun den Führer överdragen wurr. Disse Erlass stell för de Utlandsorganisatschoon vun de NSDAP (NSDAP/AO) un deren Leiter Ernst Wilhelm Bohle en wesentlich Besnieden vun den Inflootberiek dor, wiel nu blots noch „volksdeutsche Fragen“ in Middel- un Süüdamerika bearbeit wurrn drüffen. För Heß, aber ok för Ribbentrop, de in Bohle en direkten Konkurrenten sehn dee, bedüüd dat en düütlichen Machttowass. Ribbentrop kreeg en lütten Sonnerbehörde, de Deenststäe Ribbentrop, de in Konkurrenz to dat Utwärtig Amt, to dat Butenpolitisch Amt vun de NSDAP un to de NSDAP/AO stunn. Disse Konkurrenzkamp weer för NS-Organisationen in disse Tiet dörut typisch. Dat Utwärtig Amt ünnerstunn Hitler direkt, de Deenststellen vun Bohle un Ribbentrop ünnerstunnen aber Heß.[4] Referent för de Ostpolitik in dat Büro vun Ribbentrop wurr Peter Kleist.[5]

Bi de Entwicklung vun disse Deenststäe un den wiederen Utbau vun de NS-Butenpolitik keem hüm de Ünnerstütten dör de SS to pass, deren Liddmaat he siet den 30. Mai 1933 as SS-Ehrenführer, toeerst in' Rang vun en SS-Standartenführer, weer. 1938 kreeg he dör Heinrich Himmler de SS-Liddmaatsnummer 63.083 todeelt un wurr nu ok offiziell as Liddmaat vun debn „Staff Rieksführer-SS“ führt.

Ribbentrop weer van 1936 bit 1938 düütsch Botschaper in London. Glieks to'n Anfang hett he en Eklat veroorsaakt, as he bi sien Antrittsbesöök an' britischen Hoff den König mit „Heil Hitler“ begrööten dee. In Groootbritannien wurr he entspreken de Redewennen to drop a brick (sück taktlos benehmen) „Brickendrop“ nömmt. Ribbentrop sull för Hitler, de lang Tiet an en Pakt mit Grootbritannien interesseert weer, en Bündnis mit de britisch Regeeren uthanneln, wat aber vun de aflehnt wurr. De wiels disse Tiet erfohren Aflehnen un vermootlich ok de Piesakereen vun de över hüm Witzen maken britisch Presse hebbt hüm to en recht entscheeden Gegner vun Grootbritannien makt. In disse Tiet leet he ok all erkennen, dat he Hitler sien Levensruumideologie mit hör mörderisch Konsequenzen kennen dee un för goot befunn. As Churchill, all dormals en entscheeden Gegner vun Hitler, hüm eenmal in de düütsch Botschap in London besöch, hett hüm de Botschaper verklort, vö ren riesigen Landkoort stahnd, datt de Düütschen Levensruum in de Ukraine un in Wittrussland bruuken. Da Empire de man nich antasten, dat muss blots de düütsch Ostexpansion hennehmen. Churchill funn dat gor nich akzeptabel, un Ribbentrop hett ganz undiplomatisch antwoort: „In diesem Fall ist der Krieg unvermeidlich.“ En düll Hitler hett dorgegen wenig later Churchill apenlich as „Kriegshetzer“ beschimpt.[6]

An' 25. November 1936 hebbt dat Düütsch Riek un Japan den vun Ribbentrop arrangeerten Antikominternpakt slooten. De seech en Kooperatschoon tüschen Japan un dat Düütsch Riek to dat Bekämpen vun de Kommunistisch Internatschonale (Komintern) vör. In en geheim Tosatzprotokoll hebbt sück beid Staaten verplicht, Neutralität för den Fall to bewohren, dat de Sowjetunion en nicht provozeerten Angreep up en vun de beid Verdragspartner utführen sull. Buterdem wurr afmaakt, kien Verdrääg mit de Sowjetunion aftosluuten, de de betont antikommunistisch Teelen vun den Antikomintern-Pakt gegenloopen deen. Dissen Pakt sünd 1937 Italien, 1939 Mandschukuo, Ungarn un Spanien as ok 1941 Bulgarien, Kroatien, Däänmark, Finnland, Nanking-China, Rumänien un de Slowakei bitreden.

In' Toog vun de Blomberg-Fritsch-Krise hett Ribbentrop an' 4. Februar 1938 von Neurath as Rieksbutenminister aflööst: Neurath harr in en geheim Sitzung (kiek Hoßbach-Nedderschrift) gemeensam mit Kriegsminister Werner von Blomberg un den Böverbefehlshebber vun dat Heer, Werner von Fritsch, de Kriegsplaans vun Hitler kritiseert. In de Folge wurrn all dree Kritiker ut hör Ämter drängt un mit Ribbentrop toletzt en bedingungslos Gefolgsmann vun Hitler Chef vun dat Utwärtig Amt.

Ribbentrop bi de Ünnerteken vun den düütsch-sowjeetschen Nichtangreepspakt (achtern stahnd, dart vun links)

Nahdem in' März 1939 Riekstruppen in de Tschechoslowakei inmarscheert weern, hebbt de Briten versöcht, en Bündnis mit de Sowjetunion uttohanneln. As dat Rieksbutenministerium dat in' April erfohren dee, fung vör Ribbentrop en wohren Verhannelsmarathon an, de he an' 23. August 1939, to Överraschen vun de Briten, mit dat Ünnerschrieven vun den Hitler-Stalin-Pakt dör den sowjeetschen Butenminister Wjatscheslaw Molotow ok wunn. Disse Pakt seech, up Initiative vun de Sowjetunion, ok en geheim Tosatzprotokoll vör, up de de Updeelen vun dat besiegt Polen tüschen dat Düütsch Riek un de UdSSR un de Neutralität vun de UdSSR in' Fall vun en Krieg in Westeuropa fastleggt wurr. Tosätzlich wurr de Todeelen vun de baltisch Staaten, vun Bessarabien un Finnland to dej eweilig Interessensphären besloooten.

Rund een Week later fung denn an' 1. September 1939 de Tweete Weltkrieg mit den Angreep up Polen an, in de sien Verloop Polen tüschen dat Düütsch Riek un de UdSSR updeelt wurr. En wiederer an' 28. September 1939 ünnertek3ent un vun Ribbentrop verhannelt Grenz- un Früendschapsverdrag seech, ok per geheim Tosatzen, de Övergaav vun oorsprünglich de UdSSR toslahn middelpoolschen Rebeeden an Düütschland vör – in' Uttuusch mit Litauen, dat oorsprünglich vun Düütschland besett weern sull. Ferner wurr de Umsiedlung vun düütschstämmig Bewahner ut den sowjeetschen Inflootberiek in de nu vun Düütschland besett Rebeeden beslooten.

Joachim von Ribbentrop (vörn, Bildmidden) up en Rieksdagssitzung 1941

An' 27. September 1940 hebbt Düütschland, Italien un Japan den Dreemächtepakt slooten, de vun Ribbentrop offiziell verkünd wurr un de den Antikomintern-Pakt um de militärisch Komponente ergänzen sull. De Balkan-Staaten as ok Ungarn un Bulgarien hebbt sück dissen Pakt 1940/41 woll ebenfalls anslooten; Ribbentrop un Hitler sünd aber mit den Versöök scheitert, Spanien un Vichy-Frankriek ebenfalls to'n Biträe to bewegen (Kontinentalblock-Politik).

Wiel dat Butenministerium nah den Westfeldtoog 1940 för de Jöden in de vun dat Riek besett westeuropäisch Rebeeden tostännig weer, kunn de SS ahn Wedderstand ut dat Utwärtige Amt de Vernichten vun de europäisch Jöden fortsetten, Ministerialbeamte vun dat Utwärtige weern mitünner sogor aktiv an Deportatschonen bedeeligt, to'n Bispeel dör Erstellen vun Deportatschoonsbefehlen för franzöössch Jöden (kiek to'n Bispeel Wilhelmstraßen-Prozess). De Kooperatschoon vun Ribbentrop mit Himmler sien SS bi de Jödenvernichtung erfolg in eerste Lien över de Referatsgrupp „Inland II“ vun dat Utwärtig Amt mit de sien Leiter Horst Wagner, de as Verbinnensmann tüschen Ribbentrop un Himmler tätig weer, as ok den Jödenreferenten vun dat Utwärtig Amt, den promovierten Juristen Eberhard von Thadden, wiels de propagandistisch Afsekern un de Verschleierungs- un Rechtfertigungsmaatnahmen vun de Jödenverfolgungen dör den Pressechef vun Ribbentrop, Paul Karl Schmidt alias Nahkriegsbestsellerschriever Paul Carell, dörführt wurrn.

In en Telegramm an de düütsch Botschap in Rom van' 13. Januar 1943 hett Ribbentrop de passiv Rull vun Italien bi de Jödenverfolgung anprangert: „Während wir das Judentum als eine Krankheit erkannt haben … glaubt die italienische Regierung, die Juden individuell behandeln zu können.“[7] In dat sülvig Johr kreeg Ribbentrop en Dotatschoon vun Hitler vun 1 Million Rieksmark.[8][9]

In dat Politisch Testament von Adolf Hitler van' 29. April 1945, in dat he en Nahfolgeregeeren bestimmt harr, weer Ribbentrop nich mehr vörsehn. Sien Rull as Butenminister sull Arthur Seyß-Inquart övernehmen.[8] Noch in en an' 2. Mai 1945 an Dönitz schreeven, aber wohrschienlich nich mehr afschickten Breef hett Ribbentrop versöcht, „vermutlich in der Hoffnung, man werde ihn auffordern, der neuen Regierung beizutreten“, so de Historiker Ian Kershaw, „Einfluss auf die neue Regierung zu nehmen“.[10] Dornah sull de nee Regeeren Eisenhower un Montgomery den Rücktoog vun düütsch Truppen ut de skaninaavsch Länner anbeeden, um in' Gegentoog de Rieksregeeren in Sleswig-Holsteen hollen to können. Dorbi sull man, so gifft Kershaw den Inholt vun Ribbentrop sien Schrieven weer, „durchblicken lassen, dass die britische Armee die Deutschen eines Tages brauchen werde, um an ihrer Seite gegen die Sowjetunion zu kämpfen“.[11]

Verhaftung, Prozess un Henrichten (1945 bis 1946)[ännern | Bornkood ännern]

Joachim von Ribbentrop in sien Nürnbarger Zell November 1945

An' Enn vun den Krieg is Ribbentrop in Hamborg ünnerduukt, wo he sück en Zimmer mieten dee. He nömm sück Reise. Nah sien Verhaftung an' 14. Juni 1945 funn man bi de Dörsöken in dat britisch Hööftquartier bi hüm en verstaken Zyankali-Ampulle, ferner dree vun hüm schreven Breef (an Feldmarschall Montgomery, an Butenminister Eden, an „Vincent“ [vun hüm falsch schreven, meent is Winston] Churchill). Docht weern se för latere Tieden, wenn sück de allgemeen Laag weer beruhigt harr.[12] Bit to sien Överstellen nah Nürnbarg in' August 1945 weer he mit anner NSDAP-Grötten un hooch Militärs vun de Wehrmacht in dat Kriegsgefangenenlager Nr. 32 Camp Ashcan in dat luxemburgisch Bad Mondorf interneert.

Nah Kriegsenn' wurr Ribbentrop vör dat Nürnbarger Tribunal anklaagt. Hüm wurrn Verschwörung, Verbrechen gegen den Frieden, Kriegsverbrechen un Verbrechen gegen die Menschlichkeit to Last leggt. Wiels de 218 Verhannelnsdaag in Nürnbarg wies Ribbentrop up de Anklagebank kein beten Reue. He wurr denn an' 1. Oktober 1946 in all Anklagepunkten för schuldig befunnen, to'n Dood dör Uphangen veroordeelt un as eerst vun de teihn to'n Dood Veroordeelten an' 16. Oktober 1946 um 1:12 Ühr in dat Nürnbarger Justizgefängnis henricht.

De Liek vun Ribbentrop wurr as de Lieken vun de anner Henrichten an' 17. Oktober 1946 in dat Krematorium vun den Münchner Oostfkarkhoff inäschert, de Asch ansluutend in en Tostroom vun de Isar street.

Rezeptschoon[ännern | Bornkood ännern]

All to sien Leevtieden weer Joachim von Ribbentrop en hööchst umstreeden Figur. Hitler sülvst hull groot Stücken up „sien“ Diplomaten, de he as „Genie“ un – nah den spoodrieken Afsluss vun den düütsch-britischen Flottenverdrag – as „meinen eigenen Eisernen Kanzler, ein zweiter Bismarck“ beteken dee.

In' Gegensatz dorto hebbt völ anner führen NS-Politiker dezideert negativ Oordeelen över Ribbentrop fällt. Joseph Goebbels meen bispeelswies, as he in sien Daagbook schrieven dee, Ribbentrop harr sien Naam köfft, sien Geld heiraadt un sien Weg in Amt un Würden dör Swindelee reckt. Buterdem, so de Propagandaminister, kunnen meest all vun de Spitzenvertreder vun dat Riek wenigstens een lobenswert Eegenschap vöröwiesen – Ribbentrop dorgegen harr kien een.

De franzöösch Botschaper Robert Coulondre beschreev Ribbentrop as en Mann mit „kalten, leeren, mondähnlichen Augen“, de woll up den eersten Blick good utsehn dee, bi nauer Henkieken aber „nichts Menschliches“ an sück hemm dee, buter „den niederen Instinkten“.[13] Hans-Otto Meissner, de as Attaché in dat Utwärtig Amt un as Söhn vun Hindenburg sien Staatssekretär Otto Meissner Gelegenheit harr, Ribbentrop van dicht bi to bekieken, erinnert sück an hüm as en „überaus eitle[n] und, wenn man von seinem arroganten Gesichtsausdruck absieht, auch gutaussehenden Mann“.[14]

De US-amerikaansch Historiker, Journalist und Publizist William L. Shirer, de van 1925 bit to'n Enn' vun den Krieg in Europa as Journalist un Berichterstatter arbeiten dee, beschrifft in sien Berliner Daagbook as blaseert un överheblich anhand sien Beschrieven vun en Pressekonferenz, to de Ribbentrop keem, „um sich blickend, als gehöre ihm die Welt“.[15]

Ok anner Tietgenossen hebbt den Indruck vun Arroganz un Parvenühaftigkeit betoont, de Ribbentrop up hör maakt harr un de in eegendömlichen Kuntrast to sien as wenig beindruckend emfunnen Leistungen stunn. De Diplomat von Ribbentrop wurr dementsprekend, in' Anspeelen up sien fröheren Berop, vun völ as „Sektreisender“ verspottet. In' Volksmund hebbt siet de laat 1930er Johren verscheeden Wennen de Runn maakt, de Ribbentrop in en wenig respektvull Lucht rücken dee, to'n Bispeel de Vergliek, dat eener „dumm wie Ribbentrop“ weer. Noch in de 1950er Johren hett en düütsch Journalist Ribbentrop as den Prototyp vun den „upblaasen“ Diplomaten.[16]

Nevile Henderson, de as britisch Botschaper in de 1930er Johren in' engen Kuntakt to Ribbentrop stunn, seech in hüm en selten Verbinnen ut „Eitelkeit, Dumpfheit und Oberflächlichkeit“. Wiederhen meen hee, dat de Ressentiments un Fehlinschätzungen, de de düütsch Diplomat Grootbritannien entgegenbrocht harr, en swoorwegen Hinnernis ween weer, dat en beter Verständnis vun beid Länner in' Weg stahn harr.

De Gewohnheit vun Ribbentrop, Hitler sien rhetorischen Stil, sien Gesten un Posen nahtomaken, hett nah Göring völ NS-Funktschonäre dorto brocht, den Butenminister as „Papagei“ to verspotten.

Fritz Günther von Tschirschky, de as Adjutant vun Hitler sien Viezkanzler Franz von Papen de politisch Ereignisse in Berlin in de Johren 1933/34 vun dicht bi beobachten kunn, seech in Ribbentrop en Mann, de kien Qualitäten mitbroch, de hüm för en hooch Amt qualifizeert harrn, buter den Ehrgeiz, den he harrt harr: „Ribbentrop war farblos, ohne Geist, er wollte ein Herr sein und eine Rolle spielen.“[17]

Ribbentrops langjohrig Staatssekretär Ernst von Weizsäcker wert rückblickend den Ümstand, dat „eine Erscheinung [von Ribbentrops] Art“ in' natschonalsozialistischen Staat en so hooch Amt as dat vun den Butenminister recken kunn, as en slaagend Bewies dorför, dat dat System, in dat sowat mögelk weer, en Fehler in sück harr.[18]

Schriften[ännern | Bornkood ännern]

  • Annelies von Ribbentrop: Die Kriegsschuld des Widerstandes. Aus britischen Geheimdokumenten 1938/39. Aus dem Nachlass herausgegeben von Rudolf von Ribbentrop. Druffel-Verlag, Leoni am Starnberger See 1974.
  • Joachim von Ribbentrop: Zwischen London und Moskau. Erinnerungen und letzte Aufzeichnungen. Aus dem Nachlass herausgegeben von Annelies von Ribbentrop. Druffel-Verlag, Leoni am Starnberger See 1954.

Literatur[ännern | Bornkood ännern]

  • Michael Bloch: Ribbentrop. Bantam, London 1992. (Standardbiographie; in Engelsch)
  • Eckart Conze, Norbert Frei, Peter Hayes und Moshe Zimmermann: Das Amt und die Vergangenheit. Deutsche Diplomaten im Dritten Reich und in der Bundesrepublik, Karl Blessing Verlag, München 2010, ISBN 3-89667-430-7, ISBN 978-3-89667-430-2.
  • Christopher R. Browning: The final solution and the German Foreign Office. A study of Referat D III of Abteilung Deutschland 1940–43. Holmes & Meier, New York 1978, ISBN 0-8419-0403-0.
  • Hans-Jürgen Döscher: SS und Auswärtiges Amt im Dritten Reich. Diplomatie im Schatten der „Endlösung”. Ullstein, Frankfurt 1991, ISBN 3-548-33149-1.
  • Joachim Fest: Das Gesicht des Dritten Reiches. Profile einer totalitären Herrschaft. zahlr. Auflagen, u. a. München, 11. Uplaag 1994, ISBN 3-492-11842-9. (De Band enthollt ok en Profil vun Ribbentrop.)
  • Milan Hauner: The Professionals and the Amateurs in National Socialist Foreign Policy. Revolution and Subversion in the Islamic and Indian World. In: Gerhard Hirschfeld & Lothar Kettenacker: Der „Führerstaat“: Mythos und Realität. Stuttgart 1981, S. 305–328.
  • Joe J. Heydecker & Johannes Leeb: Der Nürnberger Prozess Reihe: KiWi 761. Kiepenheuer, Köln 2003
  • Jörg Hiltscher: Die deutsch-türkischen Beziehungen 1940-1942 in der Perzeption Hitlers, Ribbentrops und Papens. Eine Studie unter besonderer Berücksichtigung ihrer nachrichtendienstlichen Perzeption Ludwigsfelde 2011
  • Guido Knopp, Matthias von Hellfeld: Hitlers Helfer. Goldmann, 1999, ISBN 3-442-15017-5, S. 231 ff.
  • Wolfgang Michalka: Ribbentrop und die deutsche Weltpolitik. Außenpolitische Konzeptionen und Entscheidungsprozesse im Dritten Reich, Fink, München 1980.
  • Erich Stockhorst: 5000 Köpfe. Wer war was im Dritten Reich? Arndt, Kiel 2000, ISBN 3-88741-116-1.
  • Lars Lüdicke: Griff nach der Weltherrschaft. Die Außenpolitik des Dritten Reiches 1933–1945, Bebra, Berlin 2009, ISBN 978-3-89809-408-5.
  • Paul Schwarz: This man Ribbentrop. His life and times. J. Messner, New York 1943 (Twee Uplagen; kien düütsch Översetten)
  • Paul Seabury: Die Wilhelmstraße. Nest, Frankfurt 1956 (engl. 1954), passim.
  • Sebastian Weitkamp: Braune Diplomaten. Horst Wagner und Eberhard von Thadden als Funktionäre der "Endlösung". Dietz, Bonn 2008, ISBN 978-3-8012-4178-0.

Weblenken[ännern | Bornkood ännern]

Joachim von Ribbentrop. Mehr Biller, Videos oder Audiodateien to’t Thema gifft dat bi Wikimedia Commons.

Enkeld Nahwiesen[ännern | Bornkood ännern]

  1. Les années liberté, 1944–1945, Le Républicain Lorrain, Metz, 1994, (p. 32). (fr) und L’Express, n° 2937, «Metz en 1900», 18–24 Oktober 2007. (fr)
  2. Joachim von Ribbentrop (1893–1946), Schreven vun André Krajewski un Shoa.de
  3. Tammo Luther: Volkstumspolitik des Deutschen Reiches 1933–1938: die Auslandsdeutschen im Spannungsfeld zwischen Traditionalisten und Nationalsozialisten. Franz Steiner Verlag Taschenbuch Verlag, 2004, ISBN 3-515-08535-1, S. 126.
  4. Tammo Luther: Volkstumspolitik des Deutschen Reiches 1933–1938: die Auslandsdeutschen im Spannungsfeld zwischen Traditionalisten und Nationalsozialisten. Franz Steiner Verlag Taschenbuch Verlag, 2004, ISBN 3-515-08535-1. Diagramm „Versuche zur Zentralisierung der Volkstumspolitik (Volksdeutscher Rat) / Stufe II (15. Oktober 1934)“, Organigramm Stab Rudolf Heß/Bormann↔Hitler↔Auswärtiges Amt, S. 113.
  5. Andreas Zellhuber: „Unsere Verwaltung treibt einer Katastrophe zu …“. Das Reichsministerium für die besetzten Ostgebiete und die deutsche Besatzungsherrschaft in der Sowjetunion 1941–1945. Vögel, München 2006, S. 74. (Quelle: Kleist: Auch du warst dabei. Kriegstagebuch von Otto Bräutigam, S. 171.)
  6. Vgl. Klaus Wiegrefe: Allein gegen Hitler. Wie Churchill die Nazis stoppte. Spiegel, Nr. 33/16. August 2010, S. 56–67, hier S. 61.
  7. Zitat bi Ernst Klee: Das Personenlexikon zum Dritten Reich. Wer war was vor und nach 1945. Fischer Taschenbuch Verlag, tweet aktualiseert Uplaag, Frankfort an' Main 2005, ISBN 978-3-596-16048-8, S. 494.
  8. a b Ernst Klee: Das Personenlexikon zum Dritten Reich. Wer war was vor und nach 1945. Fischer Taschenbuch Verlag, tweet aktualiseert Uplaag, Frankfort an' Main 2005, S. 494.
  9. Gerd R. Ueberschär, Winfried Vogel: Dienen und Verdienen. Hitlers Geschenke an seine Eliten. Frankfort 1999, ISBN 3-10-086002-0.
  10. Ian Kershaw: Das Ende. Kampf bis in den Untergang. NS-Deutschland 1944/45. Deutsche Verlags-Anstalt, München 2011, ISBN 978-3-421-05807-2, S. 492.
  11. Ian Kershaw: Das Ende. Kampf bis in den Untergang. NS-Deutschland 1944/45. Deutsche Verlags-Anstalt, München 2011, S. 492.
  12. Joe J. Heydecker, Johannes Leeb: Der Nürnberger Prozess [= KiWi 761]. Kiepenheuer und Witsch, Köln 2003, ISBN 3-462-02466-3, S. 65 f.
  13. Joachim C. Fest: The Face of the Third Reich, Weidenfeld and Nicolson Ltd., New York 1970, S. 178.
  14. Hans-Otto Meissner: Junge Jahre im Reichspräsidentenpalais. Bechtle, München 1988, ISBN 3-7628-0469-9, S. 339.
  15. William L. Shirer: Berliner Tagebuch, Kiepenheuer, Köln 1994, ISBN 3-378-00559-9, S. 203.
  16. Der Spiegel, Nr. 8, 1950, S. 15.
  17. Fritz Günther von Tschirschky: Erinnerungen eines Hochverräters, Deutsche Verlags-Anstalt, München, 1973, ISBN 3-421-01602-X, S. 140.
  18. Fritz Karl Michael Hillenbrand: Underground Humour in Nazi Germany. Routledge, London/New York 1995, S. 47. Hier luut de Passage in engelsch Spraak: “The fault was in the system as such which made it possible that an apparition of this kind could become foreign secretary and in that capacity serve a nation of seventy million for seven years.”