Jimmy McPartland

Vun Wikipedia
Wesseln na: Navigatschoon, Söök

James Dugald „Jimmy“ McPartland (* 15. März 1907 in Chicago, Illinois; † 13. März 1991 in Port Washington, New York) weer en US-amerikaansch Jazz-Kornettist, de traditschonellen Jazz in‘ Chicago-Stil speel.

Leven un Wark[ännern | Bornkood ännern]

McPartland fung all mit fiev Johr an, Violin to lernen und mit 15 Johren speel he up dat Kornett, as Liddmaat vun de „Austin High Gang“. Dat weer en Grupp vun jung witt Jazzmusikers, de sück ut en High School in de wohlhabend Chicagoer Vöroort Austin kennen dee, (so as Eddie Condon, Frank Teschemacher un Bud Freeman). Sien eerst Job weer bi de Blue Friars mit Freeman (Tenorsaxophon), Teschemacher (Klarinett), sien ölleren Bröer Dick McPartland (Banjo, Gitarr), James Lanigan (Bass, Tuba, Violin), Joe Sullivan (Piano) un Dave Tough (Slagtüüch). 1924 övernehm he de Nahfolge vun Bix Beiderbecke bi den Wolverines (Bix harr hüm sülvst vörslahn). 1927 bit 1929 weer he bi Ben Pollacks Band as Hööftsolist neben Benny Goodman. 1926/27 arbeit he mit Art Kassel un weer 1927 Deelnehmer vun de berühmt Upnahmen vun Ex-Austin High Gang-Musikers bi McKenzie un Condons Chicagoans (mit Condon, Freeman, Gene Krupa, Lanigan, Sullivan, Mezz Mezzrow, Teschemacher). 1929 gung he nah New York City, wo he in eenig lüttgeren Combos speel, kehr aber 1930 nah Chicago torüch un speel 1931 bit1932 bi Russ Columbo un 1933 bit 1935 in de Harry Reser-Band.

Van 1936 bit 1941 leit McPartland en eegen Band, de bit 1941 bestunn un populär in‘ Middleren Westen un New York weer. Dorin spelen u.a. George Wettling, Joe Harris, Rosie McHargue, Royce Brown un Joe Rushton. 1942 wurr he in de US-Armee intrucken un nehm an de Landung in de Normandie deel. As Suldat droop he ok sien latere Fru, de engelsch Jazzpianistin Marian McPartland, in Belgien, wo se in de Truppenbetreuung tätig weer. 1945 wurr he entlaaten, bleev aber noch en Johr bi de USO (United Service Organization, privat Truppenbetreuungsorganisation) bevör he mit sien Fru 1946 weer in de USA truck. Se hebbt sück woll 1970 scheeden laaten, bleeven aber Frünnen und hebbt ok wiederhenn mitnanner speelt. En paar Week vör sien Dood hebbt se nochmals heiraadt.

Nah den Krieg weer he Liddmaat vun Willie „The Lion“ Smith´s Band (mit Jimmy Archey, Pee Wee Russell, Pops Foster un George Wettling), de 1954 en Grammy för den Soundtrack to de Film After Hours kreegen. He arbeit in de folgend Johrteinten mit Eddie Condon, Art Hodes un anner Veteranen vun de Chicago Szene, faken as Leader. He speel tietlevens up dat hüm vun Bix Beiderbecke vermaakt Kornett un is kört för sien 84. Geburtstag an Lungenkrebs storven.

Ehrungen[ännern | Bornkood ännern]

Jimmy McPartland is in de American Jazz Hall of Fame upnommen wurrn un 1992 in de Big Band and Jazz Hall of Fame.

Weblenken[ännern | Bornkood ännern]