Jiří Raška

Vun Wikipedia
Wesseln na: Navigatschoon, Söök

Jiří Raška (* 4. Februar 1941 in Frenštát pod Radhoštěm; † 20. Januar 2012 in Nový Jičín[1]) weer en tschechoslowaaksch Skispringer.

Leven[ännern | Bornkood ännern]

Raška wurr in dat dormals düütsch besett Protektorat Böhmen un Mähren boren. As he negen Johr old weer, is sien Vader an Leukämie storven. To dat Skispringen keem he dör sien Unkel un sien Cousin, de beid aktiv Springer weern. 1964 weer Jiří Raška all Ersatzmann bi de Olympisch Winterspelen in Innsbruck.

De Noordisch Ski-Weltmeesterschapen 1966 hett he mit twee veert Platzen beend. Bi de Olympisch Winterspelen 1968 in Grenoble wunn he en Goldmedaille up de Normalschanz un en Sülvermedaille up de Grootschanz. Dormit weer he togliek ok up disse Schanzen Weltmeester bzw. Viezweltmeester. 1970 hett he denn noch mal en Sülvermedaille up de Grootschanz bi de Noordisch Ski-Weltmeesterschapen wunnen.

1970/71 wunn he de Veerschanzentournee, nahdem he vördem all 1967/68 un 1968/69 den tweeten Platz beleggt harr. Bi de 1972 eerstmals utdragen Skifloog-Weltmeesterschap keem he up den darten Platz.

He is de Grootvader vun de beid tschechisch Skispringer Jan un Jiří Mazoch.

Literatur[ännern | Bornkood ännern]

Weblenken[ännern | Bornkood ännern]

Enkeld Nahwiesen[ännern | Bornkood ännern]

  1. Jiri Raska, 1968 Olympic ski jumping champ, dies