Jesse Stone

Vun Wikipedia
Wesseln na: Navigatschoon, Söök

Jesse Stone (* 16. November 1901 in Atchison (Kansas); † 1. April 1999 in Altamonte Springs (Florida)) weer en US-amerikaansch Musiker un Arrangeur vun den Jazz un Rhythm and Blues. Jesse Stone and his Blues Serenaders weern en Territory Band vun den Kansas City Jazz, de vun 1926–27 in un um Kansas City speelt hebbt.

Oorsprünglich ut Atchison truck Stone as Kind na Kansas City, wo he bi sien Grootmoder wahnen de un wiederbildend Schoolen besöcht hett. As begabt Komponist un Arrangeur, form Stone de Karn vun de Band Blues Serenaders in Kansas City, bevör he dör de Territorien vun den Süüdwesten touren dee. In disse Band hett in de Anfangstiet ok för en körten Tiet de jung Coleman Hawkins speelt. In’t Fröhjohr 1926 keem Stone nah Kansas City torüch un sloh in en „battle“ Bennie Motens un George E. Lees Bands in de Paseo Hall. In’ April 1927 nehmen de Blues Serenaders veer Stücken för Okeh Records up. Dorup wiest he sien Talent as Arrangeur un de Band hör besünners Geföhl för den Blues. He harr aber as Komponist un Arrangeur mehr Spood un hett dorüm de Band uplööst un hett sück Lee as Musical Director anslooten.[1]

He hett denn noch Upnahmen mit Julia Lee makt, hett Idaho un Shake, Rattle and Roll för Big Joe Turner komponeert, dat in de Coverversion vun Bill Haley de eerst millionenfak verköfft Rock and Roll-Hit wurr. Wegen Vertragsbindungen nehm he ok dat Pseudonym Charles Calhoun an.

Upnahmen mit de Territory Band[ännern | Bornkood ännern]

  • Boot To Boot, Jesse Stone and His Blues Serenaders, Okeh 8471, April 27, 1927
  • Starvation Blues, Jesse Stone and His Blues Serenaders, Okeh 8471, April 27, 1927

Enkeld Nahwiesen[ännern | Bornkood ännern]

  1. Internet web exhibit on the history of Kansas City’s Local 627 der University of Missouri-Kansas City University Libraries: Jesse Stone And His Blues Serenaders, baseerend up Frank Driggs un Chuck Haddix. Kansas City Jazz: From Ragtime to Bebop. (New York: Oxford University Press, 2005), Nathan Pearson. Goin’ To Kansas City (Urbana: University of Illinois Press, 1987