James Robertson Justice

Vun Wikipedia
Wesseln na: Navigatschoon, Söök

James Robertson Justice (* 15. Juni 1907 in Lewisham, Kent as James Harold Norval Robertson-Justice; † 2. Juli 1975 in Romsey, Hampshire) weer en britischen Ornitholoog un Schauspeler.

Leven un Loopbahn[ännern | Bornkood ännern]

Robertson-Justice hett in sien Leven mehrere Beropen un Passchoonen utöövt. Internatschonale Bekanntheit hett em sünners sien Schaupeleree inbröcht, ofschoonst he den Beroop nienich lehrt hett un em disse Beroop dör’n Tofall tokamen is.

Faken warrt Wigtown in Schottland as sien Geboortsoort angeven, man wohrhaftig is de patriootsche Schotte in de Graffschop Kent boren worrn. He weer mit Spraken goot veranlaagt un künn teihn Spraken snacken. Na sien Afsluss an’t beropene Marlborough College hett Robertson-Justice en Studium an de Universität vun Bonn anfungen, woneem he sien Dokter in Philosophie maakt hett. De Tiet dorna hett he för de Narichtenagentur Reuters arbeit. In’n Spaanschen Börgerkrieg hett he as övertügten Sozialist op de Siet vun de spaanschen Regeeren gegen General Franco kämpt. As de Tweete Weltkrieg losgüng, hett he sik freewillig to de Royal Navy mellt.

Filmloopbahn[ännern | Bornkood ännern]

Na’t Aflopen vun sien Militärdeenst 1943 hett Robertson-Justice verschedene Arbeiten övernahmen un harr so ok lüttere Rullen bi Opföhren vun’t Players Theatre in London. Dor hett em de Filmspeelbaas Harry Wyatt opdeckt un bood 1944 em en Rull an in de Kummedie Fiddlers Three. Sien Dörbrook as Schauspeler keem veer Johren later in de Kummedie Vice Versa vun den noch jungen Peter Ustinov. Sien Loopbahn hett sik vun doran spoodriek maakt. He weer in ünnerscheedliche Genres to sehn: Deelweis speel he in histoorsche Aventüerfilmen as t. B. Scott of the Antarctic, Christopher Columbus oder Captain Horatio Hornblower R.N. Jüst so weer he in Literaturverfilmen, Bibel-, Historien-, Horror- oder ok Leevfilmen to sehn. Faken hett he grummelige Aristokraten speelt oder Vertreders vun Recht un Ornen. He sülvst hett eenmol ahn Spood as Afordenten för de Labour Party kandideert hatt.

Sünners populär worrn is Robertson-Justice dör sien Rullen in Kummedien. So speel he 1954 in de Krankenhuus-Kummedie Doctor in the House den brummeligen Chirurgen Sir Lancelot Spratt. De Film harr so veel Spood, dat bit 1970 noch söss wietere Filmen ut disse Reeg kommen schülln, wobi he tomeist as Baasdokter Spratt optreden de. 1961 weer he butendem in den Miss-Marple-Film Murder She Said to sehn – ok wedder in de Rull vun den wunnerlichen Gentleman, de ünner sien rugen Schaal aver doch en weken Karn hett.

Robertson-Justice hett butendem ok in en poor düütsche Filmen mitspeelt, as to’n Bispeel in die Botschafterin, Lange Beine – lange Finger oder Das Feuerschiff.

Vagelkunn[ännern | Bornkood ännern]

Blangen sien Arbeit as Schauspeler hett James Robertson-Justice sik bannig vör Vagels intresseert. De Ornithologie harr em dat andoon. So weer he een vun de Liddmaten, de den Wildfowl Trust grünnt hebbt, un entwickel 1948 en Methood to’n Infangen vun Wildanten mit Help vun en Nett mit Raketenandrief. Ünner annern hett he ok Prince Charles in de Kunst vun de Falkenjagd inwiest.

He hett mehrere Opsätz to Themen ut de Ornithologie, ut de Weertschop un ut de Konversatschoon publizeert. Bito weer he twee Amtsperioden lang Rekter vun de University of Edinburgh, vun de he 1960 den Ehrendokter verleht kreeg.

Privatleven[ännern | Bornkood ännern]

De Vagelkunnler un Schauspeler weer tweemol verheiraat. Sien eerste Eh weer mit en Fro ut Wales un weer later scheedt. In’t Johr 1961 hett he de baltendüütsche Schauspelersche Irene von Meyendorff drapen, de he denn heiraat hett. In sien letzten Johren harr he jümmer mehr mit Geldnööt un gesundheitliche Lasten to doon. He harr en Reeg vun Slaganfäll dörleden, vun de he nie wedder so recht op de Been kamen is. Sien Fro hett em de letzten Johren pleegt, bit he wenige Daag na sien 68. Geboortsdag doodbleven is.

Filmografie (Utwahl)[ännern | Bornkood ännern]

Johr Titel Synchroonsnacker
1944 Fiddlers Three  
1948 Vice Versa  
1948 My Brother Jonathan
dt.: Mein Bruder Jonathan
 
1948 Quartet
dt.: Quartett
 
1948 Scott of the Antarctic
dt.: Scotts letzte Fahrt
 
1949 Christopher Columbus
dt.: Christoph Columbus
 
1949 Poet’s Pub  
1950 Prelude to Fame
dt.: Das Wunder von San Marino
 
1951 Blackmailed
dt.: Erpressung
 
1951 Captain Horatio Hornblower R.N.
dt.: Des Königs Admiral
 
1951 Anne of the Indies
dt.: Die Piratenkönigin
 
1951 The Lady Says No  
1952 The Story of Robin Hood and His Merrie Men
dt.: Robin Hood und seine tollkühnen Gesellen
Hans W. Hamacher
1952 Miss Robin Hood  
1953 The Sword and the Rose
dt.: Eine Prinzessin verliebt sich
 
1953 Rob Roy: The Highland Rogue
dt.: Der königliche Rebell
 
1954 Doctor in the House
dt.: Aber, Herr Doktor
 
1955 Above Us the Waves
dt.: Submarine - U-Boote greifen an
 
1955 Land of the Pharaohs
dt.: Land der Pharaonen
Bum Krüger
1955 Doctor at Sea
dt.: Doktor Ahoi!
 
1955 An Alligator Named Daisy
dt.: Ein Alligator namens Daisy
 
1955 Storm Over the Nile
dt.: Sturm über dem Nil
 
1956 Moby Dick  
1956 The Iron Petticoat
dt.: Der eiserne Unterrock
 
1957 Doctor at Large
dt.: Hilfe, der Doktor kommt!
 
1958 Orders to Kill
dt.: Der lautlose Krieg
 
1960 Doctor in Love
dt.: Dreimal Liebe täglich
 
1960 A French Mistress
dt.: Das französische Fräulein
 
1960 Die Botschafterin  
1961 Murder She Said
dt.: 16 Uhr 50 ab Paddington
Paul Wagner
1961 The Guns of Navarone
dt.: Die Kanonen von Navarone
Eduard Wandrey
Wilhelm Borchert (Verteller)
1961 Raising the Wind
dt.: Quintett mit Harfe und Trompete
 
1963 The Fast Lady
dt.: O Darling – was für ein Verkehr
 
1963 Das Feuerschiff  
1963 Mystery Submarine
dt.: Die letzte Fahrt von U 153
Robert Klupp
1963 Doctor in Distress
dt.: Doktor in Nöten
 
1964 Father Came Too!
dt.: Ach, du lieber Vater
 
1964 Those Magnificent Men in Their Flying Machines
dt.: Die tollkühnen Männer in ihren fliegenden Kisten
Friedrich Schoenfelder
1965 The Face of Fu Manchu
dt.: Ich, Dr. Fu Man Chu
Erik Jelde
1966 Lange Beine – lange Finger Erik Jelde
1968 Mayerling  
1968 Chitty Chitty Bang Bang
dt.: Tschitti Tschitti Bäng Bäng
 
1970 Doctor in Trouble
dt.: Ein blinder Passagier hat’s schwer'
 
1973 Zeta One  

Weblenken[ännern | Bornkood ännern]