Jörg Pilawa
Jörg Michael Pilawa (* 7. September 1965 in Hamborg-Bergedorf) is en düütsch Feernsehmoderator.
Leven[ännern | Bornkood ännern]
Nah sien Abitur an’t Gymnasium Hummelsbüttel in Hamborg studeer Pilawa twee Johr lang Medizin, hett dat Studium aber nah en nich bestahn Physikum afrbraken un gung för een Johr nah Israel in en Kibbuz. Dornah fung he mit en Geschichtsstudium an, wat he aber ok afbraken hett.
All in sien Studententied fung Pilawa an, för Hörfunk un Feernsehn to arbeiten. Af 1987 weer he Moderator bi Radio Schleswig-Holstein (R.SH).
Feernsehkarriere[ännern | Bornkood ännern]
Sien Feernsehkarriere fung Pilawa 1994 bi de Privatsender ProSieben mit de Moderation vun de Show 2 gegen 2 an. 1996 wessel he to Sat.1, wo he ünner annern dat Bundsliga-Magazin ran, de Talkshow Jörg Pilawa as ok Die Quiz Show modereer. 2001 wessel Pilawa to ARD, wo he dree Johr lang de Flirtshow Herzblatt modereer. An’19. März 2004 modereer he in de ARD de Deutsche Vorentscheidung zum Eurovision Song Contest 2004 ünner de Naam Germany 12 Points! tosammen mit Sarah Kuttner. Pilawa modereert för de ARD dorneben verscheeden Sportveranstaltungen, bi de sück Prominente sportlich betätigten.
Siet den 25. Juli 2001 modereert he de Das Quiz mit Jörg Pilawa. Van August 2001 bit Dezember 2007 modereer he de NDR Talk Show eerst mit Alida Gundlach af April 2002 tosommen mit Julia Westlake. Veer bit söss Mal in en Johr makt he dorto noch de Sendung „Star Quiz mit Jörg Pilawa“ in’t Hööftabendprogramm vun de ARD un Feernsehformate as „PISA – der Ländertest“ (siet 2003), „Wie alt bist Du wirklich?“ (2006), Frag doch mal die Maus (af 2006), „Pilawas großes Geschichtsquiz“ (siet 2006) un „Pilawas großes Märchenquiz“ (siet 2007). Jörg Pilawa weer in de Folge 710 „Wolfsstunde“ (2008) in’ [[Tatort (Feernsehreihe){Tatort]] as Reporter to sehn.
An’ 3. September 2009 wurr bekannt, dat Verhandlungen Jörg Pilawas mit den ZDF över en Wessel kört för den Afsluss staht.[1] Nah Angaben vun de Mediendeenst Kressreport sall de Wechsel in’ Sömmer 2010 stattfinnen. Pilawa gull bi de ARD als Quotengarant. „Das Quiz“ an’ Vörabend broch de ARD de besten Quoten binnerhalv vun dat swach Vörabendprogramm, butendem präsenteer he eenig spoodriek Saterdagabendshows.
Ünnernehmerisch Tätigkeiten[ännern | Bornkood ännern]
De mest de vun hüm modereert Sendungen wurrd vun de vun Pilawa 2001 grünnd Ünnernehmen, de Hamborger white balance GmbH, produzeert. De wurr allerdings 2005 vun de MME Moviement AG övernommen; Pilawa is aber wiederhenn Geschäftsführer.De MME Moviement AG wurr Midden 2007 vun de britsch All3Media-Grupp övernommen.
Pilawa is Mitinhaber vun de Hamborger Herrenutstatter „herrensache“.
Privates[ännern | Bornkood ännern]
Jörg Pilawa hett mit sien Fru Irina Opaschowski, en Dochter vun Horst Opaschowski, dree Kinner (twee Döchter un en Söhn). Ut sien eerste Ehe stammt en Söhn. De Familie leevt in Hamborg. De Heirat funn an’ 2. Mai 2006 in’ Kongo statt, wo se sück ok för de Welthungerhilfe insetten.
Jörg Pilawa is glöövend Christ, deiht jeden Dag beden un acht up en christliche Erziehung vun sien Kinner.[2]
Utteknungen[ännern | Bornkood ännern]
- 2002: Nomineert för den deutschen Fernsehpreis in de Kategorie Beste tägliche Sendung für „Das Quiz mit Jörg Pilawa“
- 2005: Journalistenpreis des Deutschen Mittelstandes verliehen vom „markt intern“-Verlag/Düsseldörp
- 2006: Goldene Kamera in de Kategorie Beste Fernsehunterhaltung för sien TV-mediales Warken
Enkeld Nahwiesen[ännern | Bornkood ännern]
- ↑ DWDL: Entscheidung gefallen: Jörg Pilawa wechselt zum ZDF vom 3. September 2009 (upropen an’ 3. September 2009).
- ↑ Interview mit Jörg Pilawa – „Das Zauberwort heißt Rituale“ bi’d Hamburger Abendblatt
