Isle of Jura (Brenneree)

Vun Wikipedia
Isle of Jura

Brenneree Isle of Jura

Land Schottland
Region Islands
Tyyp Malt
Status aktiv
Besitter United Spirits Limited
Grünnt 1810
Grünner Archibald Campbell
Architekt William Delmé Evans
Waterborn Bhaille Mharghaidh
Washstill(s) 2 × 25.000 l
Spiritstill(s) 2 × 22.000 l
Produkschoonsvolumen 2.200.000 l
Websteed www.isleofjura.com

Isle of Jura is en Whisky-Brenneree in Craighouse, den gröttsten Oort op dat Eiland Jura, Schottland.

Historie[ännern | Bornkood ännern]

De hüütige Destille is 1963 na fief Johren Botiet fardigstellt worrn. Man, de Bedrief vun en Brenneneree an de sülven Steed is al siet tomindst 1810 nawiest. Grünnt weer de dormolige Destille vun Archibald Campbell. Wohrschienlich geiht de Oorspung vun’n Whisky op dat Eiland Jura noch wieter torüch bit an’n Anfang vun’t 17. Johrhunnert.

Vun 1875 an warrt John Ferguson un sien Söhnen nöömt, de de Brenneree 1884 restaureert hebbt. As de Fergusons to Anfang vun’t 20, Johrhunnert aver jemehr Pacht nich mehr betahlen künnen, is de Brenneree dicht maakt worrn. Eerst 1956 weern de beiden Eiland-Inwahners Robin Fletcher un Tony Riley-Smith, de Besitter vun’t Ardfin Estate, mit finanzielle Hülp vun Mackinlay MacPherson (Scottish Brewers) in de Laag den Architekt un Bomeester William Delmé Evans den Opdrag to geven, en ne’e Brenneree to boen. Dormit wulln se ne’e Arbeitssteden inrichten, vun de dat op dat Eiland man wenig geev. Veel nütt hett de Bo dorför aver man nich.

En Whisky von Isle of Jura in de för de Brenneree tyypschen Buddel

In’t Johr 1985 weer de Brenneree denn vun Invergordon Destillers köfft, de later vun Whyte & Mackay övernahmen worrn is. De sünd later denn sülvst vun JBB (Greater Europe) övernahmen worrn, denn aver wedder an’t Management torüch verköfft worrn (Management-Buy-out), so dat de Brenneree to de Firma Kyndal höört, de dorut entstahn is. 2004 is de Firma wedder in Whyte & Mackay ümnöömt worrn, de 2007 denn vun United Spirits Limited (United Breweries Group) köfft weer.

Anners as annere ehmolige Invergordon-Destillen (Bruichladdich, Tamnavulin, Tullibardine) bleev Isle of Jura in de Mitt vun de 1990er Johren apen. Vundaag arbeit in de Destille twölf Lüüd. De Brenneree hett butendem ok en Besökerzentrum.

Produkschoon[ännern | Bornkood ännern]

Dat Water vun de Brenneree stammt ut den Born Bhaille Mharghaidh. In de Brenneree gifft dat en Meeschtunn (mash tun) vun ruchweg 5 Tünnen un söss Gäärfatten (wash backs) to 49.000 l ut Eddelstahl. Brennt warrt de Whisky in tosamen veer Brennblasen, twee Wash Stills to 25.000  un twee Spirit Stills to 22.000 l.

Bit ruchweg 1900 weer de Whisky vun Isle of Jura mit veel Törf-Rook herstellt. Dat is intwüschen nich mehr so. Liekers sünd licht törfige Noten jümmer noch tyypsch för den Isle of Jura.


Kiek ok[ännern | Bornkood ännern]

Weblenken[ännern | Bornkood ännern]

Isle of Jura. Mehr Biller, Videos oder Audiodateien to’t Thema gifft dat bi Wikimedia Commons.


Koordinaten:55° 50′ N, 5° 57′ W