Iona

Vun Wikipedia

Iona (Schottsch Gäälsch I Chaluim Cille) is en Eiland, dat to de Binneren Hebriden in Schottland höört un üm un bi 175 Inwahners hett. Dat Eiland liggt vör dat Eiland Mull, hett en Breed vun een Kilometer un en Läng vun 3,5 Kilometers.

563 hett Columba, en Mönk de ut Irland utwiest wörr, op dat Eiland en Klooster grünnt. De Abtei weer Utgangspunkt för dat Utbreden vun dat Christendom in Schottland. Ok dat Book vun Kells weer mööglicherwes in Iona schreven.

Iona weer ok de Oort, wo de Königen vun Dalriada ehr Gräver harrn.

In't Johr 1938 weer vun George Fielden MacLeod de Gemeenschop vun Iona grünnt, en ökumeensche christliche Gemeenschop, de an de Idealen vun de fröhe Keltsche Kark anknöppt.

Weblenken[ännern | Bornkood ännern]

Iona. Mehr Biller, Videos oder Audiodateien to’t Thema gifft dat bi Wikimedia Commons.


Koordinaten:56° 19′ N, 6° 24′ W