Innerspace

Vun Wikipedia
Filmdaten
Plattdüütsch Titel:
Originaltitel: Innerspace
Düütsch Titel: Die Reise ins Ich
Produkschoonsland: USA
Johr vun’t Rutkamen: 1987
Läng: 115 Minuten
Originalspraak: Engelsch
Öllersfreegaav in Düütschland: FSK 12
Filmkru
Speelbaas: Joe Dante
Dreihbook: Jeffrey Boam
Chip Proser
Produkschoon: Michael Finnell
Musik: Jerry Goldsmith
Kamera: Andrew Laszlo
Snitt: Kent Beyda
Dorstellers

Innerspace (op Platt so veel as „Dat binnere Universum“; dt. Titel: Die Reise ins Ich) is de Titel vun en US-amerikaanschen Speelfilm ut dat Johr 1987 mit Dennis Quaid, Martin Short un Meg Ryan in de Hööftrullen. De Film is en Mischen twüschen Science-Fiction-Thriller, Aventüerfilm un Kummedie. De Speelbaas weer Joe Dante.

Inholt[ännern | Bornkood ännern]

Tuck Pendelton is en notoorschen Drinker un Fronheld un fröheren Leutnant vun de US Navy. He is privat un ok in’n Beroop in en swore Situatschoon: Sien Arbeit hett he verlorn un sien Fründin Lydia Maxwell (en sabbelige Reportsche) lett em sitten.

Üm Geld för sien Levenünnerholt to verdenen, mutt he dwungerermaten en riskante Steed as Versöökspilot annehmen. In en Labor warrt en experimentellen Mikrochip uttest. Mit Help vun dat Bodeel schall Tuck mit en lütt U-Boot verlüttert un denn in den Lief vun en Kanink injizeert warrn. Jüst as dat Experiment losgeiht, warrt dat Labor vun de Handlangers vun en kriminell Konkurrenzünnernehmen överfallen. De roovt den Chip un versöökt ok dat Miniatur-U-Boot in de Finger to kriegen. In’n allgemenen Trubel warrt Tuck ut Versehn in den Lief vun en Zivilisten, den zappeligen un hypochondrischen Supermarktkasseerer Jack Putter.

Nu hett Tuck aver blots ’n begrenzten Vörraat an Suerstoff, so dat em blots een Mööglichkeit blifft: Mit sien Borodinstrumenten sett he sik mit Putter in Verbinnen un bringt em dorto, allens to doon, dat he wedder ut’n Lief rutkummt. Mit Tuck sien Help, de sik in sien Bloodbahn rümdrifft, nimmt he Kuntakt to Lydia op. Tosamen mit ehr besteiht de chaotische Drömel dat Aventüer vun sien Leven, üm den Chip wedder torüch to hollen, Tuck wedder to vergröttern de Gegners rund üm den Verbreker Scrimshaw uttoschalten un den smerigen Hightech-Dealer „Cowboy“ dingfast to maken.

Anners wat[ännern | Bornkood ännern]

  • As Vörgänger to den Film gellt Fantastic Voyage vun Richard Fleischer ut dat Johr 1966.
  • De Infall, verlütterte Minschen dör den minschlichen Lief wannern to laten, is 1997 noch mol wedder opgrepen worrn in den Film Jakten på nyresteinen vun Vibeke Idsöe.
  • Speelbaas Joe Dante hett in dissen Film mit vele Lüüd dreiht, mit de he jümmer wedder arbeit. Dorto tellt Robert Picardo, Kathleen Freeman, Dick Miller un Henry Gibson.
  • Joe Dante hett in sien Filmen as sien Kennteken jümmer twee Nonnen mit dorbi. In Innerspace sünd de in dat Inkoopszentrum to sehn. Dante sülvst hett en lütten Cameo-Optritt: He is de eerste Labortechniker, de vun de Handlangers angrepen warrt.
  • In de Szeen, as Jack sik in „den Cowboy“ verwannelt hett, müss de Dorsteller vun den Cowboy, Robert Picardo, bannig gau wesen, vun wegen dat de Szeen in een Stück ahn Snitt dreiht worrn is. Toeerst hett he de Hoor un de Kledaasch vun Jack, he geiht ut dat Bild, neiht achter de Kamera, tütt sik de Kledaasch ut un jumpt in de Baadwann, woneem he fesselt un benüsselt liggt.

Kritik[ännern | Bornkood ännern]

Lexikon vun’n Internatschonalen Film: Temporeich inszeniertes, komödiantisches Science-Fiction-Märchen mit parodistischen Elementen, das eine Vielzahl von Filmzitaten aneinanderreiht. Seinen Witz erzielt es in erster Linie durch die Beschreibung der ungewöhnlichen "Männerfreundschaft".[1]

Utteken[ännern | Bornkood ännern]

De Film weer för veer Filmpriesen nomineert, dorünner dree mol för den Saturn-Pries. Wunnen hett de Film aver den Oscar in de Kategorie Best Trickeffekt, de an Dennis Muren, Bill George, Harley Jessup un Kenneth Smith güng.

Borns[ännern | Bornkood ännern]

  1. http://www.filmevona-z.de/filmsuche.cfm?wert=1216&sucheNach=titel

Weblenken[ännern | Bornkood ännern]