Ingrid Marie

Vun Wikipedia
Wesseln na: Navigatschoon, Söök
Ingrid-Marie Appels

De Ingrid Marie is en Sort vun den Huusappel (Malus domestica), de to de traditschonellen Appelsorten vun’t Oolland tellt.

De Sort Ingrid Marie is üm 1910 rüm as en Tofallssamling op dat Land vun de Goornschool Flemløse op dat Eiland Fünen, Däänmark, togen worrn. Wat de Öllernsorten sünd, is nich bekannt, man de Cox Orange warrt as een dorvun annahmen. De Ingrid-Marie hett en faste Schaal, wovun sik de Klöör bit in’t butenste Fruchtfleesch dörsetten kann. Dat maakt en Verwandschap mit de Renettensorten wohrschienlich.

An’n besten kann de Appelsort an Steden anplant warrn, de nich to warm sünd un ’n beten wat fuchtiger.

De sööt-sure Smack vun de Ingrid Marie lett ’n beten as de Cox Orange an, wobi de Boom aver düütlich mehr Büüt afgifft un ok mehr Wedderstand wiesen deit as de Cox Orange. Man, vundaag warrt de Ingrid Marie jümmer mehr vun smackhaftere un büütriekere Sorten verdrängt.

Kiek ok[ännern | Bornkood ännern]