Ines Barber

Ines Barber (* 23. August 1957 in Rendsborg) is en plattdüütsche Schrieversche, Journalistin un Moderatersche.

Barber is 1957 in Rendsborg boren un opwussen. Se hett 1977 an dat Helene-Lange-Gymnasium Abitur maakt un is denn bi’n Holsteinischen Courier anfungen un hett op Journalistin lehrt. 1979 hett se op de Universität Kiel anfungen un Anglistik, Germanistik un Kunsthistorie studeert un 1985 ehrn Magister maakt. Dat Johr is se denn ok bi’n ne’en privaten Radiosenner RSH as tokamen Radiomoderatersche anfungen. Dat eerste mol op Sennung güng se fief Minuuten vör twölf an 1. Juli 1986. Se weer de eerste Sprekersche bi RSH. Barber hett dor as Redakteursche, Woortbaassche un een Johr ok as Viez-Programmdirektorsche arbeit. Bi RSH bleven is se bet 1990. Vun 1992 bet 1993 weer se denn wedder as Woortbaassche un Viez-Programmdirektorsche bi Delta-Radio. 1999 hett se toeerst wat op Platt maakt un bi Radio NORA plattdüütsch modereert un as plattdüütsch Reportersche arbeit. Siet Januar 2001 is se bi NDR 1 Welle Nord. Dor is se ok bi Hör mal’n beten to mit bi un hett bit Februar 2013 Von Binnenland un Waterkant op platt modereert. Up un daal is Ines Barber för de NDR 1 Welle Nord in Sleswig-Holsteen as plattdüütsche un hoochdüütsche Reportersche ünnerwegens. Siet 2004 is se in heelen Norden ünnerwegens mit verscheden egen Platt-Programme. Barber weer verheiraat vun 1986 bit 2004 un hett een Dochter un een Söhn. Na 23 Johren in Eckernföör leevt de Autorin siet Märzmaand 2011 wedder in ehr Heimatstadt Rendsborg.

Warken

• Mien Brett vör’n Kopp wackelt. Quickborn-Verlag, Hamborg 2004, ISBN 3-87651-282-4
• Mien Brett vör’n Kopp wackelt. (Höörbook op CD) Quickborn-Verlag, Hamborg 2005, ISBN 3-87651-302-2
• Geiht dat ok’n beten fixer? Quickborn-Verlag, Hamborg 2006, ISBN 978-3-87651-296-9
• Wi hebbt dat jo! Quickborn-Verlag, Hamborg 2008, ISBN 978-3-87651-334-8
• Nix för Bangbüxen Quickborn-Verlag, Hamborg 2010, ISBN 978-3-87651-3485
• "ines barbers platt mix - live " , Höörbook op CD, Quickborn-Verlag, Hamborg 2012, ISBN 978-3-87651-362-1
• Passt, wackelt un hett Luft! - Verlag tredition, Hamborg 2017, ISBN 978-3-7345-0769-4

Weblenken

• Ines Barber in de PBuB (hoochdüütsch)
• Websteed vun Ines Barber (hoochdüütsch)