Indigene Völker

Vun Wikipedia

Indigene Völker oder autochthone Völker sünd Gruppen vun Inwahners vun en Land, de an den Rand schaven wurrn sünd, vunwegen dat dat Land vun ehre Vöröllern erovert wurrn is, oder to en Kolonie maakt wurrn is, oder as en Staat nee grünnt wurrn is. Up düssen Begreep hett man sik internatschonal eenigt. Düsse Völker verstaht sik sülms as en egen Volk unner frömde Regeerung un blievt bi ehre egen Institutschonen in Sellschop, Weertschop un Kultur. So'n Völker sünd t.B. de Indianers in Noord-, Middel- un Süüdamerika, Man ok de Buschlüde in Süüdafrika oder de Basken in Europa. .

Wo dat Woort herkümmt[ännern | Bornkood ännern]

Indigene Völker is en Lehnöversetten ut de Spaansche Spraak. Dor bedutt Pueblas indígenas Gruppen vun Inwahners, de al vör de Kolonialtied in en Gegend oder in en Land tohuse ween sünd. In Latienamerika is de Utdruck Indigene Völker an de Stäe vun de ölleren Wöör Indios oder Indianers treden.