Imperial (Brenneree)
| Imperial | |
|---|---|
 Brenneree Imperial (Foto: Anne Burgess) | |
| Land | Schottland |
| Region | Speyside |
| Tyyp | Malt |
| Status | afreten (2013) |
| Besitter | Pernod Ricard |
| Grünnt | 1897 |
| Grünner | Thomas MacKenzie |
| Architekt | Charles Chree Doig |
| Waterborn | Ballintomb Burn |
| Washstill(s) | 2 × 21.000 l |
| Spiritstill(s) | 2 × 18.800 l |
Imperial weer en Whiskybrenneree in Carron in Moray, Schottland.
Historie[ännern | Bornkood ännern]
De Brenneree is in’t Johr 1897 vun Thomas MacKenzie grünnt worrn un füng een Johr later in’n Sommer 1898 mit de Produkschoon an. Man, al dat Johr dorop müss de Destille wedder dicht maakt warrn. Eerst 1919 is se wedder apen maakt worrn, man wedder blots för korte Tiet, vunwegen dat de ne’e Besitter, de Distillers Company Limited (DCL), de Anlagen 1925 wedder dicht maakt hebbt – mit Utnahm vun de Molteree. Eerst 1955 güng de Produkschoon in de Brenneree wedder los. 1965 weer de Tall vun de Brennblasen op veer verdubbelt. 1985 is de Brenneree in den Besitt vun Allied Distillers wesselt, de se noch dat glieke Johr bit 1989 stillleggt hett. Siet de Övernahm vun de Allied Destillers in’n Sommer 2005 höör de Destille to den Kunzern Pernod Ricard. De Destille is in’t Johr 2013 afreten worrn, üm Platz to maken för de ne’e Dalmunach-Brenneree, de siet Oktober 2014 Whisky produzeert.
Produkschoon[ännern | Bornkood ännern]
De Imperial-Brenneree höör to dat schottische Whiskyrebeet Speyside un hett ehr Water ut den Ballintomb Burn betogen. Aas de egene Molteree dicht maakt worrn is, is dat Molt denn vun de Burghead Maltings köfft worrn. De Brenneree harr en Meeschfatt (mash tun) ut Eddelstahl vun 11,56 t un söss Gäärfatten (wash backs) ut Lärkenholt to 56.500 l. Brennt weer in twee wash stills to 21.000 l un twee spirit stills to 18.800 l.
Kiek ok[ännern | Bornkood ännern]
Weblenken[ännern | Bornkood ännern]
Koordinaten:57° 27′ N, 3° 18′ W