Ilhéu de Sal Rei

Vun Wikipedia
Wesseln na: Navigatschoon, Söök
Laag vun Boa Vista. De Ilhéu de Sal Rei liggt an’t bövere End vun de Westküst

De Ilhéu de Sal Rei is en lütt nich bewahnt Eiland vun de Ilhas do Barlavento, de to de Republiek Kap Verde höört. Se liggt nipp un nau vör de Küst vun dat Eiland Boa Vista.

Geografie[ännern | Bornkood ännern]

Ilhéu de Sal Rei vun’n Strand vun Sal Rei ut bekeken.

Dat lütte Eiland liggt ruchweg bi de Koordinaten 16,173° N un 22,933° W dicht bi de nöördliche Westküst vun Boa Vista un nipp un nau gegenöver vun Sal Rei, de Hööftstadt vun Boa Vista. Twüschen de beiden Küsten leegt villicht en Kilometer Water. De lange Siet vun de Ilhéu de Sal Rei mitt üm un bi annerthalf Kilometer. Se is bit to 500 Meter breed un kummt op en Flach vun schätzte 0,7 km² Flach. De hööchste Steed op dat Eiland is üm un bi 27  un is dormit teemlich flach un even.

Dat Eiland is nich bewahnt, veel wassen deit dor ok nich, man ’n beten dröög Gras un siet Buschwark. Sonst gifft dat dor blots Sand un felsigen Bodden. Tostannen kamen is dat Eiland as ok Boa Vista as Folg vun den Vulkanismus, de för den helen Archipel verantwoortlich is. An de Küst, de na Boa Vista wiest, kann man en Formatschoon vun Basaltsülen ankieken.

Historie[ännern | Bornkood ännern]

De Laag vun de Ilhéu de Sal Rei hett mit Utslag geven, dat an de gegenöverliggen Küst vun Boa Vista de Stadt Sal Rei grünnt worrn is. Dat lütt Eiland liggt neemlich nipp un nau in den Bülgenslag vun’n Atlantik un sorgt dormit för kapverdische Ümstännen för en teemlich sachten Seegang an de Küst. Dat weer dorüm en gode Steed, üm en Haven intorichten. De olle Haven liggt teemlich in de Mitt vun Sal Rei, is aver in de Twüschentiet vun an modernen Haven wieter buten aflöst worrn, de ok Platz noog för de grötteren Scheep hett, as se vundaag insett warrt.

In’n Süüden vun at lütte Eiland kann man hüüt noch de Överresten vun en oolt Fasten bekieken. Dat Forte Duque de Bragança is in’t Johr 1818 opboot worrn, nadem dat in dat Johr dorvör eenige Angrepen vun süüdamerikaansche Piratenscheep geven harr, wobi de Stadt sworen Schaden nahmen hett un meist vullstännig tonicht maakt weer. De Fasten is mit Kanonen utrüst wesen. Op den ’n beten högeren Rüch in de Mitt vun’t Eiland steiht de Ruin vun en fröheren Lüchttoorn (op dat Bild to sehn). Glieks dorblangen stieht vundaag en modern Lüchtfüer.[1]

Borns[ännern | Bornkood ännern]

  1. Kapverdische Inseln, Dumont Reisetaschenbuch, 3. Oplaag, 2007, ISBN 978-3-7701-5968-0


Koordinaten:16° 10′ N, 22° 56′ W