Ilhéu Grande

Vun Wikipedia
Wesseln na: Navigatschoon, Söök
Laag vun de Ilhéu Grande (de linke in’n Krink)

De Ilhéu Grande (port.: „Groot Eilandken“), ok Ilhéu de Baixo nöömt, is en lütt nich bewahnt Eiland vun de Ilhéus do Rombo, de ok Ilhéus Secos nöömt warrt un to de Republiek Kap Verde höört. Se is de gröttste vun disse Grupp vun lütte Eilannen un liggt ganz in’n Westen dorvun. Vun de Verwalten her höört de ganze Grupp to dat Eiland Brava.

Geografie[ännern | Bornkood ännern]

De Ilhéus do Rombo vun Brava ut sehn. Ilhéu Grande is dat Eiland ganz links

So as ok all de annern Eilannen vun Kap Verde, is ok de Ilhéu Grande dör Vulkanismus entstahn. De Wetenschap geiht dorvun ut, dat de hele Archipel dat Produkt vun en Hotspot is. Ilhéu Grande liggt bi de Koordinaten 14,97° N un 24,69° W, en poor Kilometer wiet vör de Noordküst vun Brava. Dat Eiland is ruchweg 600 bit 800 m breed un annerthalf Kilometer lang. Mit en Flach vun üm un bi 3 km² is se de gröttste vun de lütten Eilannen, man jümmer noch bannig lütt. De beiden an’n neegsten liggenden Eilannen sünd Baixinha un Barrete, de so lütt sünd, dat man jem kuum Eilannen nöömen kann.

Op de Noord-Siet gifft dat en schuulte Bucht. Da Binnere vun’t Eiland is felsig un dröög, jüst man dat dor en beten dröög Gras wassen deiht. ’N beten süüdlich vun de Mitt liggt de Monte Grande, wat mit ruchweg 92 m de hööchste Steed op dat Eiland is. De Küst wiest eenige Sandstränn op.

Bedüden[ännern | Bornkood ännern]

Dat Eiland hett weertschopplich an sik keen Bedüden, as do jo nix wassen deit un dat Eiland an sik ok blots ut Steen besteiht. Intressant sünd aver de Sandstränn, de dat an de Küst gifft un de een meist för sik allen hett, wieldat dor jo nümms wahnt. Vun Brava ut gifft dat private Fischerslüüd, de Touristen to’n Baden na dat Eiland översetten doot.



Koordinaten:14° 58′ N, 24° 42′ W