Hostäe

Vun Wikipedia
Wapen/Flagg Koort
Wapen unbekannt
Hostäe
Laag vun Hostäe in Düütschland
Basisdaten
Bundsland: Neddersassen
Landkreis: Veern
Samtgemeen: Thänhusen
Gemeen: Thänhusen
Inwahners:
Postleettall: 27321
Vörwahl: 04204
Geograafsche Laag:
Koordinaten:52° 60′ N, 8° 59′ O
52° 60′ N, 8° 59′ O

Karte

Hostäe (hoochdüütsch Horstedt) is en Dörp in de Gemeen Thänhusen (Samtgemeen Thänhusen) in’n Landkreis Veern, Neddersassen.

Geografie[ännern | Bornkood ännern]

De Oort is von Noorden un Oosten von de Werser umslaten.

De Naveröörd sünd Bieren in’n Noordoosten, Achem un Üsen in’n Oosten, Eißel in’n Süüdoosten, Dibbelsen in’n Süden, Rier un Slieme in’n Süüdwesten un Bollen un Uphusen in’n Noordwesten.

Historie[ännern | Bornkood ännern]

Hostäe kummt 1250 toeerst in de Oorkunnen vör.

In’n Tweten Weltkrieg sünd ölven Soldaten ut Hostäe fullen oder vermisst.[1]

Verwaltungsgeschicht[ännern | Bornkood ännern]

Dat Dörp hett fröher to dat Arzstift Bremen tohöört un is an’t Enn von’n Dörtigjohrigen Krieg an de Sweden fullen. In’n Fredensverdrag von Celle is dat Rebeed üm Thänhusen 1679 an dat Hartogdom Bruunswiek-Wulfenbüttel fullen.

In de Franzosentied hett de Oort toeerst 1807 bet 1810 binnen dat Königriek Westfalen to de Mairie Hostäe in’n Kanton Thänhusen un 1810 bet 18811 to de Mairie Drey in’n Kanton Nee-Siek höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Thänhusen in’n Kanton Thänhusen.

De Oort hett binnen Bruunswiek to dat Amt Thänhusen tohöört, von 1832 bet 1850 to’n Kreis Holtsminne un von 1850 bet 1972 to’n Kreis Bruunswiek.

Von 1966 bet 1972 weer de Gemeen Hostäe Maat von de Samtgemeen Thänhusen. De Oort is an’n 1. Juli 1972 mit de Gemeenreform in Neddersassen Deel von de Gemeen Thänhusen worrn. Gliektiedig is dat Rebeed von’n Landkreis Bruunswiek an’n Landkreis Veern wesselt.

Inwahnertall[ännern | Bornkood ännern]

Johr Inwahners
1812-00-001812[2] 156
1910-12-011. Dezember 1910[3] 132
1925-00-001925[4] 123
1933-00-001933[4] 114
1939-00-001939[4] 103

Religion[ännern | Bornkood ännern]

Hostäe is evangeelsch-luthersch präägt un höört to dat Kaspel von de Maria-Magdalena-Kark in Thänhusen. Düsse Kark is 1870 boot un 1912 egenstännig worrn. Vörher hett de Oort to dat Kaspel von de Cosmas-un-Damian-Kark in Lunsen tohöört.

För de Kathoolschen is de St.-Matthias-Kark in Achem tostännig.

Kultur[ännern | Bornkood ännern]

En Denkmaal för de Fullenen ut de twee Weltkrieg’ steiht in Thänhusen an de Kark.

Verenen[ännern | Bornkood ännern]

De Schüttenvereen Dibbelsen-Dönnerstäen-Hostäe is 1953 grünnt worrn.

Weertschop un Infrastruktur[ännern | Bornkood ännern]

Hostäe hett en egene freewillige Füürwehr, de 1936 grünnt worrn is. Vörher hett dat al en Plichtfüürwehr geven.

In Hostäe an de Werser gifft dat en Campingplatz mit 200 Stellplätz.

Verkehr[ännern | Bornkood ännern]

De eenzige Straten (de Kreisstraat 71) föhrt von Süden her na Hostäe hen. Dor in’n Süden münnt se in de Landsstraat 203, de in’n Süüdoosten över Thänhusen, Morsen un Blenner na Veern löppt un in’n Westen in de Landsstraat 331 münnt. De L 331 wedder geiht in’n Noordoosten över Ausen un Drey na Bremen un in’n Süüdoosten över Rier, Emhusen un Swarm na Mattfeld.

De nächste Autobahn is de Autobahn 27 (Afsnidd BremenWasra). De Opfohrt 24 Achem-Oost liggt so ölven Kilometer in’n Noordoosten von Hostäe an de L 156. De Opfohrt 56 Oorssen op de Autobahn 1 (Afsnidd BremenOssenbrügge) liggt twölv Kilometer in’n Noordwesten an de L 331/B 6n.

De nächste Bahnhoff is so bi teihn Kilometer wied weg in’n Noordwesten de Bahnhoff Drey an de Bahnlien Bremen–Ossenbrügge.

Footnoten[ännern | Bornkood ännern]

  1. Onlineprojekt Gefallenendenkmäler
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 100
  3. gemeindeverzeichnis.de
  4. a b c verwaltungsgeschichte.de