Horst Eckel

Vun Wikipedia
Wesseln na: Navigatschoon, Söök
Horst Eckel (Juli 2005)

Horst Eckel (* 8. Februar 1932 in Vogelbach, jetzt Bruchmühlbach-Miesau) is en ehmalger düütsch Footballspeler. He weer Liddmaat vun de Mannschap de 1954 Football-Weltmeester wurr.

Familie[ännern | Bornkood ännern]

Siet 1957 is Eckel mit sien Fru Hannelore verheiraadt, mit he twee Döchter hett.

Football[ännern | Bornkood ännern]

Eckel speel in de Jöögd för den SC Vogelbach. All mit 15 Johren speel he to'n eersten Mal för de eerste Mannschap vun Vogelbach.[1] De längste Tiet (1949–1960) weer he för den 1. FC Kaiserslautern aktiv un dornah van 1960 bit 1966 för den SV Röchling Völklingen. Mit Kaiserslautern wurr he 1951 un 1953 Düütsch Footballmeester. För de düütsch Natschonalmannschap hett he in de Johren van 1952 bit 1958 as rechter Butenlöper 38 Lännerspelen maakt.

Eckel is siet 1997 Repräsentant vun de Sepp-Herberger-Stiftung. He ünnerstütt as Botschopper de Initiative Respekt! Kein Platz für Rassismus.[2]

Eckel un Hans Schäfer sünd de beid letzten noch leven Speler vun de düütsch Weltmeesterschap, de 1954 in't Endspeel up den Platz stunn.

Berop[ännern | Bornkood ännern]

Horst Eckel (2004)

Eckel hett tonächst den Berop vun den Warktüüchmaker bi de Kaiserslauterer Neihmaschinenfabrik Pfaff lehrt, bevör he sück to'n Pädagogen umschoolen hett laaten. He studeer Kunst un Sport för dat Realschoollehramt un weer bit to sien Pensionieren as Lehrer an de Realschool in Kusel un in Morbach tätig. Dor hett he Sport un Warken ünnerricht. In sien Ruhestand arbeit he mit Justizvullttogsanstalten tosommen, um straffällig wurrn Jugendlichen mit Hülp vun dat Footballspeel Perspektiven to wiesen.

Utteknungen[ännern | Bornkood ännern]

  • 2004: Groot Bundsverdeenstkrüüz
  • 2005: En Regionaliesenbahn vun de DB kriggt sien Naam.

Film un Literatur[ännern | Bornkood ännern]

Horst Eckel weer de facklich Berader vun Sönke Wortmann bi de sien Film Das Wunder von Bern, de dat beschrifft, wat rund um den WM-Sieg 1954 passeert. In den Film wurrd Horst Eckel vn Holger Dexne speelt.

2004, to dat 50. Jubiläum vun dat Endspeel in Bern, hett Horst Eckel tosommen mit Volker Neumann in den Agon Sportverlag, Kassel, dat Book Die 84. Minute (ISBN 978-3897842533) herutbrocht.

Weblenken[ännern | Bornkood ännern]

Commons-logo.svg Horst Eckel. Mehr Biller, Videos oder Audiodateien to’t Thema gifft dat bi Wikimedia Commons.

Enkeld Nahwiesen[ännern | Bornkood ännern]

  1. Portrait bi fck.de
  2. http://www.respekt.tv/die-interviews/horst-eckel.html