Hlothhere

Vun Wikipedia
Wesseln na: Navigatschoon, Söök

Hlothhere († 6. Februar 685) weer in de Johren vun 673685 König vun dat Königriek Kent.

Hlothhere is 673 up sien Broder Ecgberht I. folgt. Dat duer nich lang un dat geev Striet mit Mercia, den sien König Aethelred 676 in Kent infullen is un dor allerhand in'n Dutt leggt hett, dormank ok de Bischopsstadt Rochester. Man Hlothere siene Herrschop hett Aethelred dor nich eernshaftig mit in Gefohr bröcht. Dat is antonehmen, dat he en tiedlang tohopen mit sien Broderssöhn Eadric regeert hett. Eadric sien Naam finnt sik tohopen mit Hlothere sien unner en Gesettbook. Man de beiden mütt sik vertöörnt hebben. 685 is Eadric na Sussex gahn. Dor hett he Suldaten up'e Been bröcht un gegen Hlothere anmarscheern laten. He hett den Krieg gegen em wunnen un em an'e Siet bröcht. So is Eadric denn sien Nafolger wurrn.