Hermann Hildebrand

Vun Wikipedia

Hermann Christian Ferdinand Hildebrand (* 27. September 1849 in Münnen; † 6. Oktober 1939 in Bremen) weer en Bremer Börgermeester.

Leven[ännern | Bornkood ännern]

Hildebrandt weer en Afkaatensöhn un studeer süms ok an de Universität Heidelbarg de Wetenschappen vun dat Recht. 1874 hett he sik as Afkaat in Bremen daallaten un is dor 1880 ok Notar wurrn.

Politik[ännern | Bornkood ännern]

1879 is he as Vertreder vun de eerste Klass as liberalen Afordenten in de Bremer Börgerschup wählt wurrn. Dormols gull dat 8-Klassen Wahlrecht. An'n 14. Dezember 1895 is Hildebrandt Senator wurrn. He hett sik dor tomeist mit de Wohlfahrt afgeven. 1897 grünn he de Zentraal för de private Vörsorg un stünn an de Spritz vun den Landsverband vun dat Düütsche Rode Krüüz. In de Tiet vun den Eersten Weltkrieg stünn he de Wohlfahrtspleeg för den Krieg vör un bröch den Zentraal-Hölpsutschuss vun dat Rode Krüüz in Bremen tostann.

Hermann Hildebrand is an'n 16. November 1917 to'n Börgermeester wählt wurrn. 1919 is he in de Düütsche Demokraatsche Partei intreden. Na dat Enn vun de Räädrepublik is Hildebrandt vun de Natschonalversammeln vun Weimar an'n 10. April 1919 in de Regeerung wählt wurrn, de för'n Övergang dat Seggen in Bremen hebben schull. An de Siet vun Karl Deichmann is he dor Börgermeester ween. Wat de Scholen angüng, möök Hildebrand sik för de Eenheitsschool stark. An'n 9. Juli 1920 hett he in'n Senat Bott geven. 1922 hett he de Bremer Noothölp grünnt.

Ehrungen[ännern | Bornkood ännern]

Al in dat Johr 1929 hefft Frünnen vun Hildebrand em to Ehren den Hildebrand- oder Rehsoot in de Bremer Wallanlagen boen laten.

Böker[ännern | Bornkood ännern]