Helmut Kasimier

Vun Wikipedia
Wesseln na: Navigatschoon, Söök

Helmut Kasimier (* 17. Oktober 1926 in Breslau; † 16. April 2013[1] in Hannober) weer en düütsch Politiker (SPD). Kasimier weer van 1963 bit 1986 Afordneter vun den Landdag in Neddersassen; van 1967 bit 1974 weer he Vörsitter vun de SPD-Fraktschoon in' Landdag un vun de Landdagswahl 1974 bit to dat Enn' vun de sozialliberale Koalitschoon in' Februar 1976 Finanzminister vun Neddersassen.

Leven un Berop[ännern | Bornkood ännern]

Kasimier wurr as Söhn vun en Müerkerpolier boren. Nah den Besöök vun de Volksschool hett he en koopmännisch Lehr in' Groothannel maakt. Ansluutend wurr he to de Wehrmacht intrucken un nehm 1944/45 as Suldat an' Tweeten Weltkrieg deel. In' April 1945 hett he en Kriegsverwundung erleeden, wurr tonächst in en Lazarett nah Lübeck bracht un later vun dor ut nah Hannober överführt.

Kasimier weer tonächst as Hülpsarbeiter in't Baugewarf tätig, weer dornah Zeitungspacker un hett later as Angestellter in' Groothannel arbeit. Nah sien Inträe in de SPD hett he af 1948 as Parteisekretär arbeit. 1963 wurr he in den Landdag wählt. Nah sien Rücktoog ut de aktiven Politik weer he Liddmaat in' Rundfunkraat vun den NDR.

Politik[ännern | Bornkood ännern]

Kasimier is 1947 in de SPD intreden un weer van 1948 bit 1963 as Parteisekretär in Hannober tätig. He weer siet 1947 Ünnerbezirksvörsitter un wurr later to'n Bezirksvörsitter vun de Jungsozialisten in Hannober wählt.

Kasimier weer van 1952 bit 1963 Ratsliddmaat vun de Stadt Hannober. He wurr 1963 in den Landdag vun Neddersassen wählt un weer dor van 1967 bit 1974 Vörsitter vun de SPD-Fraktschoon. Kasimier wurr an' 10. Juli 1974 as Minister fö Finanzen in de vun Ministerpräsident Alfred Kubel führt Landsregeeren vun Neddersassen beropen. Nah Rückträe vun Kubel as Ministerpräsident, de an Parkinson erkrankt weer, sull he in' Januar 1976 de sien Nahfolger wurrn. Ofschons de sozial-liberale Koalitschoon mit 78 Afordneten över en dünn Mehrheit vun een Stimm verfügen dee, is sien Wahl an Gegenstimmen ut de SPD/FDP-Koalitschoon. Statt slooten för hüm to stimmen, kreeg he an' 14. Januar 1976 ut de Reegen vun dat sozialliberalen Regeerensbündnis blots 75 Stimmen, wiels de CDU-Gegenkandidat Ernst Albrecht 77 Afordnete up sien Siet trecken kunn. Wiel de Afstimmen för kien Kandidaten de erforderliche Mehrheit ergeev, wurr de Wahl een Dag later wedderhalt. Ditmal kreeg Albrecht sogor noch en Stimm mehr, wiels dat för Kasimir blots noch 74 Stimmen geev un he sück vun de Wahl torüchtruck.

Mit en nee Kandidaten, den Bundsbauminister Karl Ravens, hett de SPD an' 6. Februar 1976 en darten Anloop start un is weer an de fehlen Stimmen ut de sozialliberale Koalitschoon scheitert, wiels Albrecht mit 79 Stimmen to'n Ministerpräsident wählt wurr; de SPD un FDP mussen trotz „offiziell“ Stimmenmehrheit in' Landtag in de Oppositschoon. Kasimier sülvst is mit dat Enn' vun de SPD/FDP-Landsregeeren an' 13. Februar 1976 ut dat Amt vun den Finanzminister utscheeden. 1977 gung de FDP en Koalitschoon mit de CDU in, wodör de nee Regeeren en Landdagsmehrheit kreeg.

Weblenken[ännern | Bornkood ännern]

Enkeld Nahwiesen[ännern | Bornkood ännern]

  1. Bundespresseportal: Landesregierung trauert um Helmut Kasimier, afropen an' 17. April 2013.