Helmut Haller

Vun Wikipedia

Helmut Haller (* 21. Juli 1939 in Augsborg; † 11. Oktober 2012 in Augsborg) weer en düütsch Footballspeler.

Werdegang[ännern | Bornkood ännern]

De Störmer un Middelfeldspeler fung mit dat Footballspelen 1948 bi den Vereen BC Augsburg an. As en vun de eerst düütsch Footballspeler nah Ludwig Janda, Horst Buhtz un Horst Szymaniak gung Haller 1962 nah Italien un wurr dor mit AC Bologna 1964 italieensch Meester. 1968 wessel he to Juventus Turin un wurr mit dissen Vereen 1972 un 1973 nochmals italieensch Meester. Dornah is he weer nah Augsburg torüchgahn, hett noch mal kört bis BSV Schwenningen speelt und 1979 sie Karriere bi den FC Augsburg utklingen laaten. Mit de Vereen hett he in’t Öller aber ok nichts mehr an’ Hoot.[1]

Helmut Haller hett van 1958 bis 1970 für Düütschland 33 Länderspelen makt un dorbi 13 Doren schaaten. 1962, 1966 un 1970 hett he ok an Football-Weltmeesterschapen deelnommen un is 1966 Viezweltmeester wurrn.

Nah dat Enn’ vun sien Karriere weer he Trainer, Viezpräsident bi den FC Augsburg un Repräsentant för en Vereensutstatter un en Fohrtüüchinrichtungsfirma. He sülvst harr noch en Modebotique in Augsburg. Bi de Wahl to’n Stadtrat in Augsburg kreeg he för de lokal Wählervereenigung Freie Bürger Union 1996 aber nich genog Stimmen.

Gesundheitlich kreeg he immer mehr Probleme. Eerst hett he noch en Hüftoperation harrt, de good verleep. Wiehnachten 2006 kreeg he aber in Hartinfarkt, vun de he sück nich mehr richtig verhaalt hett[2]. Toletzt hett he an swoor Demenz un Parkinson leeden.

Privates[ännern | Bornkood ännern]

Helmut Haller weer dreemal verheiraadt und hett dree Kinner vun sien beid eerste Fruen. He is de Unkel vun den Footballspeler Christian Hochstätter.

Weblenken[ännern | Bornkood ännern]

Enkeld Nahwiesen[ännern | Bornkood ännern]

  1. http://www.augsburger-allgemeine.de/Home/Sport/FC-Augsburg/Artikel,-FC-Augsburg-Haller-hat-keinen-Bock-drauf-_arid,1459676_regid,2_puid,2_pageid,4475.html Upropen an 05.11.2009
  2. Helmut Haller aus dem Krankenhaus entlassen: FTD, 4. Januar 2007