Heinz-Werner Arens
Heinz-Werner Arens (* 30. August 1939 in Tellingstedt, Dithmarschen; † 2. Februar 2011) weer en düütschen Politiker von de SPD un von 1996 bet 2005 Präsident von’n Landdag von Sleswig-Holsteen.
Arens is 1939 in Tellingstedt boren un hett von 1963 af an as Schoolmeester an en Sünnerschool arbeidt. Von 1967 bet 1979 weer he Baas von de Sünnerschool in Heid.
Arens weer von 1979 bet 2005 Maat von’n Landdag von Sleswig-Holsteen. Von 1988 bet 1996 weer he dor Parlamentaarsch Geschäftsföhrer von de SPD-Frakschoon in’n Landdag. As Vörsitter hett he den Ünnersökungsutschuss to de Schuuvladenaffäär leidt. Von’n 23. April 1996 bet 2005 weer he denn Präsident von’n Landdag. Bi de Landdagswahl 2005 hett he sik nich mehr as Kannedaat opstellen laten.
Ehrenämter[ännern | Bornkood ännern]
Arens weer Landsbeopdragten för Sleswig-Holsteen von’n Witten Ring un von 2007 bet to sien Dood de Vörsitter von de Klaus-Groth-Sellschop.